Noticias

A Xunta de Goberno de hoxe deu luz verde ao inicio de licitación do subministro de instalacións eléctricas temporais para alumeados festivos das rúas, prazas e espazos públicos do Casco Histórico, Ensanche e parroquias de Santiago de Compostela durante as festas de Nadal 2017 e 2018.

O alcalde de Santiago, Martiño Noriega, anunciou esta mañá en rolda de prensa que o Concello vén de atopar documentación que demostraría que as estatuas de Abraham e Isaac do escultor Mestre Mateo pertencen ao consistorio compostelán.

A décimo cuarta edición de Curtocircuíto, Festival Internacional de Cine, amosará o traballo feito dende detrás da cámara do músico Stuart Staples e do Premio Nacional de Fotografía Alberto García-Alix. Segundo o director, Pela del Álamo, dentro da filosofía do festival "é importante amosar os traballos de creación periféricos de cada artista, en diálogo con outras disciplinas que non son as súas naturais. Curtocircuíto debe buscar os lugares de cambio,...

A Real Filharmonía de Galicia celebra esta semana tres concertos nos centros socioculturais de Santa Marta, Vite e Fontiñas e un na Praza de Abastos. Estas actuacións, que son gratuítas ata completar o aforo, buscan achegar a RFG e a música clásica a novos públicos. A primeira cita foi este mércores en Santa Marta, hoxe xoves terá lugar un concerto no CSC de Vite e mañá venres no das Fontiñas; ambos os dous ás 20:00 horas. Tamén mañá venres, ás 13:00 horas, a nave 5 da Praza...

A Fundación Ingada, Instituto Galego de TDHA e Trastornos Asociados, convoca o III Camiño da Diversidade, para a sensibilización da sociedade sobre a diversidade das persoas e que a vexan coma un valor. A marcha será este sábado 16 de setembro. Partirá ás 10:00 horas, dende A Escravitude (Padrón) ata Santiago. Entre as actividades desta edición haberá fotografía, música e sensibilización co medio ambiente.

O Concello de Santiago implantará, por primeira vez, un bonotaxi individual para as persoas con dificultades de mobilidade ou para o uso do transporte público. O prazo para solicitar estas axudas será de 30 días naturais dende a publicación da convocatoria no Boletín Oficial da Provincia (BOP). A documentación presentarase no Rexistro Xeral do Concello.

A concelleira de Economía e Facenda, María Rozas, explicou este xoves o proceso de verificación, seguridade e garantías do proceso de Orzamentos Participativos, que o vindeiro venres día 22 de setembro entrarán na fase final de votación.

A concelleira de Turismo, Marta Lois, e a presidenta en funcións da Asociación Hostalería Compostela, Sara Santos, anunciaron as datas da décima edición do xa tradicional concurso de tapas da cidade, Santiago(é)tapas, organizado conxuntamente por ambas entidades. Será do 2 ao 19 de novembro.

O Forno dos Soños é un novo programa enmarcado dentro das actividades da iniciativa Compostela Móvese. O programa, que busca por en valor o talento individual e grupal das persoas que participen, comeza o 25 de setembro. As candidaturas poderanse presentar ata o día 21 de setembro, ás 14:00 horas, mediante un formulario...

A concelleira de Políticas Sociais, Concha Fernández, deu conta hoxe da adhesión do Concello de Santiago á campaña Vinde Xa. Esta iniciativa quere chamar a atención para que o Goberno español cumpra a súa promesa de acollida de máis de 17.000 refuxiados antes de rematar o prazo deste compromiso, que finaliza en 15 días. Dentro deste acto presentouse tamén a reedición do libro de ilustracións Pasaportes, sobre o drama da migración.