Noticias

O Pleno da Corporación debaterá este xoves, na sesión ordinaria de xaneiro, unha proposta da concelleira delegada de Turismo, Marta Lois, relativa á modificación do regulamento do Consello Municipal de Turismo. Esta actualización é o paso previo para reactivar o órgano, no marco dun proceso de definición do vindeiro Plan Estratéxico de Turismo 2016-2021.

O alcalde de Santiago, Martiño Noriega, presentou en Fitur as liñas mestras da oferta turística de Santiago no 2016. A principal aposta de Turismo de Santiago será a gastronomía, pero tamén se porán en valor os múltiples atractivos da cidade: Camiño de Santiago, Cultura, Patrimonio, Natureza, Universidade, Cidade de Congresos…

O concelleiro de Espazos Cidadáns, Dereito á Vivenda e Mobilidade, Jorge Duarte, vén de reunirse con representantes da Confederación Galega de Persoas con Discapacidade, para falar de políticas de accesibilidade. O edil presentoulle ao presidente de Cogami, Anxo Queiruga, tres iniciativas nas que está traballando o seu departamento. Trátase, en concreto, da elaboración dunha nova Ordenanza de Accesibilidade, da redacción dun Plan de Accesibilidade Universal dos edificios de uso público e as rutas que os unen, e o...

Os concelleiros de Medio Rural, Rafael Peña, e Medio Ambiente e Convivencia, Xan Duro, deron conta hoxe das actuacións levadas a cabo desde os dous departamentos para afrontar e reparar os danos ocasionados en todo o termo municipal nas últimas xornadas de temporal. O groso das actuacións levouse a cabo na zona rural. Rafael Peña explicou que foi preciso habilitar un contrato de emerxencia para afrontar arranxos por un importe estimado nuns 40.000 euros.

A Real Filharmonía de Galicia celebra o seu concerto semanal de abono este venres, 22 de xaneiro, ás 21:00 horas, no compostelán Auditorio de Galicia. A batuta levaraa o director asociado da orquestra, o mestre Maximino Zumalave.

A compañía Entremans presenta en Compostela Blondy's coffee, peza sola para dúas mulleres que sumidas no tedio se refuxian en estraños pasatempos en busca de novas emocións que lles devolvan a súa propia natureza, unha viaxe polo labirinto da mente feminina. Antes diso, poderemos ver Eco hecho carne, na que Lisvet Barcia Cabrera nos fala sobre os cambios interiores que temos nun mesmo instante, ideas e camiños que necesitamos transitar para darnos conta de cal é o correcto. Será este mércores 20 e o...

O alcalde de Santiago, Martiño Noriega, amosouse satisfeito coa boa predisposición da ministra de Fomento, na reunión que mantiveron hoxe en Madrid. Martiño Noriega solicitara este encontro con Ana Pastor como continuación da reunión do pasado 2 de setembro, na que xa se abordaran temas que son de vital importancia para a cidade, nomeadamente o túnel de Conxo, o orbital e a estación intermodal.

A concelleira de Políticas Sociais, Concha Fernández, deu conta este martes dos primeiros resultados do programa municipal de axuda a persoas sen fogar, desenvolvido en colaboración con FEAFES e Cruz Vermella. Os beneficiarios e beneficiarias do programa foron persoas con enfermidade ou trastorno mental, persoas sen fogar ou sen teito e en risco severo de exclusión social. A edil amosouse moi preocupada pola problemática das persoas sen teito que carecen de redes de apoio sociofamiliares e levan asociados problemas de saúde moi difíciles de...

A concelleira de Políticas Sociais presidiu este martes unha reunión do Consello Municipal de Saúde, a primeira que se celebra dende o ano 2006. Foi unha primeira xuntanza de carácter informativo, xa que a constitución oficial do órgano terá lugar despois do Pleno do mes de febreiro, no que se debaterá a proposta de nomes para integralo. Así se acordou na reunión desta tarde, na que estiveron representados os catro grupos políticos da Corporación municipal, así como os representantes da...

O alcalde da cidade, Martiño Noriega, e a concelleira de Políticas Sociais, Concha Fernández, visitaron esta mañá as instalacións que a Asociación de Pais de Persoas con Discapacidade Intelectual de Santiago (ASPAS) ten na zona de Laraño, o Centro Residencial "Juan Vidán Torres" para persoas con necesidades de apoio extenso e xeneralizado, posto en funcionamento en 1985.