IGUALDADE
Minuto de silencio pola últimas dúas vítimas mortais de violencia machista
A praza do Obradoiro acolleu este mediodía un minuto de silencio pola nai e a súa filla asasinadas en Lloret de Mar (Barcelona) e pola muller asasinada o pasado día 15 na capital catalá, últimas vítimas de violencia machista.
ACCIÓN CULTURAL
Fran Rodríguez Casal presenta ‘Da túa man para a miña’, a segunda das intervencións seleccionadas para a Zona C
Rodríguez Casal presentouse á modalidade de proxectos de creación artística que busca dar visibilidade á creación artística emerxente dentro do espazo da Zona C, na praza de Cervantes. A intervención inaugúrase esta mesma tarde, ás 20:00 h, coa presenza do artista; a concelleira de Acción Cultural, Mercedes Rosón; o director-xerente do Auditorio de Galicia, Xaquín López; e a actuación da cantautora galega Su Garrido Pombo
CIDADES PATRIMONIO
Turismo de Santiago participa na xornada formativa "Obxectivos de Desenvolvemento Sostible e Patrimonio"
O Grupo de Cidades Patrimonio da Humanidade organiza este encontro en Úbeda (Jaén) no que se analizarán as mellores prácticas postas en marcha nestes 15 destinos. No encontro, Turismo de Santiago dará a coñecer os traballos vinculados ao Proxecto BODAH e outras iniciativas como exemplo de boas prácticas como a iluminación da Alameda no Nadal.
ACCIÓN CULTURAL
O Concello programa unha serie de roteiros sobre o levantamento do 1846 en Santiago e a figura de Antolín Faraldo
A concelleira de Acción Cultural, Mercedes Rosón, acompañada por Oscar Senra Gómez, de Maos S. Coop, e Mercedes Vázquez Bertomeu, de deHistoria, presentou esta mañá o paseo guiado "O levantamento de 1846", organizado polo Concello para conmemorar os 200 anos do nacemento de Antolín Faraldo (1822-1853), figura fundamental neste momento histórico no que a nosa cidade tivo un protagonismo especial.
ALCALDÍA
Nova xuntanza da Comisión mixta de Peleteiro, coa participación da propiedade
A Comisión mixta de Peleteiro mantivo hoxe unha nova xuntanza na que, ademais das asociacións representadas, todos os grupos políticos, os técnicos municipais, a concelleira de Urbanismo, Mercedes Rosón, e o alcalde de Santiago, Xosé Sánchez Bugallo, participou a propiedade da parcela.
POLÍTICAS SOCIAIS
Ábrese o prazo para solicitar as axudas de taxi, destinadas a residentes en Santiago con dificultades de mobilidade ou con limitacións para o uso do transporte colectivo
A partir de mañá xa se poden solicitar as axudas individuais para uso do taxi como medio alternativo para as persoas con dificultades de mobilidade, ou que presentan limitacións para o uso do transporte colectivo, máis coñecidas como "bonotaxi". O orzamento, de 15.000 euros; e as bases, que hoxe publica o BOP, o Boletín Oficial da Provincia da Coruña, aprobáronse o pasado día 6 en Xunta de Goberno. O prazo de solicitude é de dez días hábiles, contados a partir do 19 de abril.
XUNTA DE GOBERNO
A Xunta de Goberno adxudica a obra de reforzo do pavimento na rúa de Santa Teresa Jornet por importe de 108.000
A Xunta de Goberno local acordou hoxe adxudicar o contrato de "Rexeneración e reforzo estrutural do pavimento da calzada da rúa Santa Teresa Jornet (2ª fase)" á empresa Construcciones Ponciano Nieto S.L., por un importe total de 108.156,14 euros, ao ser a súa oferta a máis vantaxosa das presentadas. Dos acordos adoptados, informou en rolda de prensa o alcalde de Santiago, Xosé Sánchez Bugallo.
COMERCIO
Aberto ata o 30 de abril o prazo para inscribirse no 3º Mercado do Libro e da Artesanía da Festa do Banquete
A Festa do Banquete volve tras dous anos de parón por mor da pandemia con múltiples actividades, que se desenvolverán do 20 ao 22 de maio en Conxo. Entre elas atópase o Mercado de Artesanía, que se celebrará os días 21 e 22 na praza Aurelio Aguirre. Baixo a organización do Departamento de Comercio do Concello, este espazo acollerá expositores dos sectores do libro e da artesanía, que poden solicitar participar ata o día 30 de abril.
PROMOCIÓN ECONÓMICA
A Maker Faire Galicia anuncia un avance do programa e os primeiros hits para a súa 8ª edición, que se celebrará en formato híbrido do 1 ao 5 de xuño no Museo Gaiás
Todo apunta a que o 2022 será o ano dos reencontros, algo que teñen claro desde a organización da Maker Faire Galicia, que volve ao mundo físico cunha edición híbrida que promete ser espectacular. O Concello de Santiago colabora un ano máis co evento.
DEPORTES
O Monte do Gozo acollerá do 15 ao 17 de abril o II Open Xacobeo Disc Golf
O evento, no que colabora o Concello, foi presentado esta mañá en rolda de prensa pola concelleira de Deporte, Esther Pedrosa, que estivo acompañada polo presidente do Compostela Club Disc Golf, Iván Gutiérrez de Terán, e por Rodrigo Sánchez, asistente do torneo. Prevese que asistan 62 xogadores de 7 nacionalidades do mundo.