EDUCACIÓN
A Concellería de Educación involúcrase na celebración da Noite dos Investigadores
A Noite dos Investigadores 2010 celebrarase o vindeiro venres 24 de setembro en Santiago de Compostela e, simultaneamente, en 150 cidades europeas máis. A Delegación Institucional do CSIC (Consejo Superior de Investigaciones Científicas) en Galicia, lidera o proxecto na nosa comunidade en colaboración co Departamento de Educación do Concello de Santiago de Compostela.
BENESTAR SOCIAL
As asociacións de migrantes visibilizan as súas culturas este domingo no II Festival Folclórico Intercultural
A concelleira de Benestar Social, Mar Martín, presentou en rolda de prensa a celebración desta actividade acompañada polas organizadoras do Festival, que repite celebración tralo éxito do ano pasado.
BENESTAR SOCIAL
As persoas xordas celebran o sábado o seu Día Internacional para reivindicar os seus dereitos e facerse máis visibles ante a sociedade
A concelleira de Benestar Social, Mar Martin, acompañada do presidente da Asociación Compostelá de Persoas Xordas, José Antonio Pais, e do secretario da Federación de Asociacións de Persoas Xordas de Galicia, presentou en rolda de prensa o Día Internacional deste colectivo, que tará lugar este sábado, 25 de setembro, cun obxectivo claro: sensibilizar á sociedade.
ALCALDÍA
Santiago de Compostela e Santiago Atitlán inician o protocolo para irmandarse
Os alcaldes de Santiago de Compostela e de Santiago Atitlán, Xosé A. Sánchez Bugallo e Manuel Reanda Pablo asinaron hoxe un protocolo de intencións de irmandamento entre ambas urbes.
BENESTAR SOCIAL
O Concello elabora unha guía integral contra a violencia de xénero que coordina institucións e simplifica os pasos que deben dar as vítimas
A Concellería de Benestar Social e Muller vén de editar unha completa e ambiciosa guía baixo o título "Itinerarios de intervención con mulleres para o tratamento e prevención da violencia de xénero". A concelleira Mar Martín presentouna en rolda de prensa acompañada por todos os colectivos (dos ámbitos sanitario, administrativo, policial, gubernamental...) que participaron na elaboración da mesma. Segundo sinalou a concelleira de Muller, son moitos os protocolos que existen á hora de tratar a unha...
TRANSPORTES
O alcalde súmase ás actividades da Semana Europea da Mobilidade fomentando o uso da bicicleta
O rexedor compostelán, Xosé A. Sánchez Bugallo, achegouse ata a Praza Roxa para participar, xunto co concelleiro de Transportes e Mobilidade, Carlos Nieves, nas actividades programadas por este departamento con motivo da celebración da Semana Europea da Mobilidade. Ademais, o tranporte urbano é de balde durante todo o día de hoxe.
XUNTA DE GOBERNO
A Xunta de Goberno adxudica as obras de construción da Escola Infantil de Salgueiriños por máis de 700.000 euros
Foi un dos asuntos máis destacados dunha sesión da Xunta de Goberno Local na que tamén se tomou conta do convenio polo que o Concello e Institucións Penitenciarias colaboran para que 35 persoas cumpran as súas penas realizado traballos en beneficio da comunidade.
EDUCACIÓN
O alcalde mantén o seu encontro anual cos responsables dos centros educativos públicos de infantil e primaria de Santiago
Como ven sendo habitual cada inicio de curso, o alcalde, Xosé A. Sánchez Bugallo, e a concelleira de Educación, Mercedes Rosón, reuníronse este mediodía con representantes dos 12 centros educativos públicos de infantil e primaria de Santiago para facer unha radiografía da situación da comunidade educativa da cidade.
TRÁFICO
As solicitudes de tarxetas para o aparcamento de residentes no barrio de Pontepedriña teñen que presentarse nos rexistros do Concello
Entre o pasado luns, 20 de setembro, e o 15 de outubro os veciños das rúas que se enumeran a continuación e que cumpran cos requisitos establecidos poden solicitar as tarxetas de aparcamento para residentes. A solicitude pode descargarse da web www.santiagodecompostela.gal ou ben recollerse na oficina de Atención ao Cidadán sita na rúa Salvador Allende. Unha vez cuberta, e con todos os documentos necesarios, deberá presentarse no REXISTRO XERAL DO CONCELLO ou nos REXISTROS AUXILIARES ubicados nos centros socioculturais do Ensanche e de...
ALCALDÍA
Unha delegación da cidade guatemalteca de Santiago Atitlán visita Compostela esta semana
Ata o venres 24 permancerá na cidade unha delegación de Santiago Atitlán, Guatemala, encabeza polo seu alcalde, Manuel Reanda. O xoves 23, o rexedor compostelán, Xosé A. Sánchez Bugallo, e o seu homólogo asinarán un protocolo de intencións de irmandamento entre ambas urbes.
