Noticias

Regresa unha nova edición do concurso de cociña Kid´s Master Chef, organizado pola escola infantil Kid´s Garden en colaboración co Concello de Santiago, o Real Aeroclub de Santiago, o Grupo Correo Gallego e o Centro Superior de Hostalería de Galicia. Celebrarase o sábado 18 de abril e poderán participar nenos e nenas de entre 3 e 9 anos.

Santiago viviu na pasado mes de marzo a baixada porcentual máis importante dos últimos dez anos no número de persoas rexistradas no paro neste mes, cun descenso do 2,66%. Con esta caída, o número de persoas rexistradas no paro na cidade situouse en 8.069, un 10,17% menos que en marzo do ano pasado.

Catro persoeiros da música galega, Cristina Pato, Davide Salvado, Anxo Pintos e Roberto Comesaña únense nun proxecto común, Rústica, ofrecendo un único concerto en Galicia. Será este martes 7 de abril, ás 20:30 hora, no Teatro Principal, enmarcado no ciclo Sons’15. Trátase dun disco moi especial, editado por Fol Música, resultado de encontros casuais, sincronicidades, afinidades e descubrimentos.

As listas do censo estarán expostas ao público do 6 ao 13 de abril por mor das vindeiras eleccións municipais. Os/as cidadáns/as deben consultar a súa situación no censo electoral, especialmente as persoas que cambiaron de domicilio e os que cumpriron 18 anos.

Como cada luns de Pascua, celebrouse o Día de Santiago en Padrón. O alcalde compostelán, Agustín Hernández, encabezou a delegación municipal que se trasladou á vila veciña para celebrar esta xornada, na que –ao igual que sucede co Día de Padrón nas festas do Apóstolo- os dous pobos renovan os seus lazos de irmandade.

O museo da Casa do Cabido, na praza das Praterías, iniciou o 1 de abril o novo horario de verán, que se prolongará ata finais do vindeiro mes de outubro. Durante este período, o museo abrirá as súas portas de martes a sábados, de 10:00 a 14:00 horas polas mañás e de 17:00 a 21:00 horas en horario de tardes (ata agora era de 16:00 a 20:00 horas); e os domingos de 11:00 a 14:00 horas. Os luns, a Casa do Cabido permanece pechada.

O sábado 9 de maio celebrarase SantYaGo10K, a primeira carreira nocturna de 10 quilómetros que ten lugar en Santiago. A carreira nace cunha vocación solidaria que quere amosar o espírito social e colaborativo dos afeccionados ao running. Neste momento, cando queda aínda máis dun mes para a carreira, hai xa máis de 250 persoas inscritas.

O Concello de Santiago vén de firmar un convenio coa empresa Vodafone para a realización dunha proba piloto no ámbito da xestión de residuos. Este proxecto está enmarcado na plataforma Vodafone Cidade Conectada, que ofrece ás cidades o desenvolvemento de servizos intelixentes que incrementan a eficiencia, a xestión e a habitabilidade das mesmas. O acordo foi subscrito polo alcalde, Agustín Hernández, e polo director en Galicia de Vodafone, Miguel Fernández Ares.

O obradoiro "Merco, cociño e como con..." abrirá o programa de actividades da nova edición de Compostela Gastronómica, Festival da Cociña Galega. O xoves 16 de abril, de 11:30 a 14:00 horas, e xunto á televisiva Churra Costa, os participantes farán un percorrido e comprarán diversos produtos no Mercado de Abastos de Santiago, para despois cociñar e finalmente degustar varias receitas tradicionais da cultura gastronómica galega. Pratos cotiáns, pero cunha historia especial que Churra...

O Festival de Músicas Contemplativas ofrece na xornada do sábado dúas propostas arredor da figura de Santa Teresa e da música arabo-andalusí. Comezamos ás 19:00 horas na Igrexa de San Fiz de Solovio co programa Vivo sen vivir en min… poesía e música na vida de Santa Teresa, con José Manuel Montero e Juan Ramón Hernández. Xa ás 21:00 horas e na Igrexa da Universidade, Beihdja Rahal, unha sensible artista firmemente comprometida, presenta A Nouba de Arxel… a tradición musical...