Noticias

O vindeiro luns, 7 de setembro, está convocada unha concentración de tractores polas rúas de Santiago de Compostela, á que están chamados uns 5.000 tractores. Nos tres días seguintes tamén están previstas outras mobilizacións na cidade convocadas pola Plataforma en Defensa do Sector Lácteo. Por todo isto, preparouse un dispositivo de tráfico e de mobilidade co fin de minimizar no posible a súa afectación ao tráfico e ao transporte urbano.

A concelleira de Economía e Facenda, María Rozas, realizou un chamamento á "responsabilidade" e á "ética política" á hora de analizar a información sobre a situación económico-financeira do Concello, xa que lembrou que están "baseadas en informes de diferentes funcionarios en diferentes períodos de tempo". "Por desgraza – dixo- a mala xestión económica do Goberno anterior non só deixou a cidade sen gran parte dos gastos de investimento prometidos,...

O concelleiro de Medio Ambiente e Convivencia, Xan Duro, informou sobre a entrada en funcionamento o vindeiro 15 de setembro de tres novos fotorroxos. Estarán situados na rúa Amor Ruibal, fronte ao IES de Pontepedriña e en dirección saída da cidade; na confluencia da avenida Rodríguez de Viguri coa praza de España, en dirección saída; e na avenida Romero Donallo na confluencia coa rúa Frei Rosendo Salvado.

A Escola de Altos Estudos Musicais (EAEM), en Santiago de Compostela, préstalle unha especial atención á formación musical dos máis pequenos. Así, o centro acaba de poñer en marcha unha nova edición do curso de corda para nenos, centrado nas especialidades de violín, violoncello e contrabaixo. As clases comezarán en novembro de 2015 e prolongaranse ata o mes de maio de 2016.

O Concello de Santiago de Compostela porá en marcha, o xoves 10 de setembro, os servizo de comedores e de madrugadores nos seguintes centros de ensino públicos: Apóstolo Santiago, Cardeal Quiroga Palacios, As Fontiñas, Roxos-Villestro, Vite, Mestre Rodríguez Xixirei (Lavacolla), Monte dos Postes, Raíña Fabiola, Ramón Cabanillas e, no caso do CEIP Arquitecto Casas Novoa, só o servizo de madrugadores.

O Grupo de Cidades Patrimonio da Humanidade de España continúa en setembro a promoción internacional das 15 cidades que forman a rede en novos mercados turísticos. Nesta ocasión, e tras a recente presenza no multitudinario evento MuseumsUferFest de Frankfurt (Alemaña), levaranse a cabo dúas novas campañas en Colombia e México, países americanos con mercados emisores moi interesantes para o Grupo pola forte demanda de historia e patrimonio dos seus viaxeiros.

O Departamento de Relacións Veciñais lembra que o vindeiro mércores, 9 de setembro, remata o prazo de solicitude das subvencións ás asociacións de veciños deste exercicio 2015. A partida total para estas axudas ascende a 64.800 euros.

A Concellaría de Acción Cultural continúa en setembro coa programación Imos de excursión, viaxes e saídas organizadas dende os centros socioculturais para este ano 2015. O vindeiro martes, 8 de setembro, a partir das 17:00 horas, abrirase a inscrición para participar na excursión prevista para o domingo 27 de setembro ás Médulas.

O alcalde, Martiño Noriega, e o concelleiro de Educación e Cidadanía, Manuel Dios, deron conta do plan de obras deste verán 2015 nos centros de ensino de infantil e primaria de Santiago de Compostela. O Concello investiu 202.142 euros nestas obras de verán, do total de 400.000 euros destinados por Educación a este tipo de traballos de mantemento e reparación no curso 2014-2015.

O alcalde de Santiago, Martiño Noriega, e o concelleiro de Espazos Cidadáns, Jorge Duarte, deron conta da reunión mantida coa ministra de Fomento, Ana Pastor. Sobre os temas tratados – as obras de Conxo, a estación intermodal e a conectividade da AP-9 co norte da cidade- o rexedor atopou unha "receptividade" que "haberá que testar no tempo".