Noticias

Os alcaldes de Santiago, Martiño Noriega, e de Teo, Rafael Sisto, xunto coa conselleira de Medio Ambiente, Territorio e Infraestruturas, Ethel Vázquez, firmaron o convenio de colaboración para a coordinación dos servizos de transporte público con orixe ou destino na urbanización dos Tilos.

A Plataforma en Defensa do Sector Lácteo quixo agradecer á cidade de Santiago a súa comprensión coas mobilizacións desta semana. Nun acto simbólico celebrado en Porta Faxeira, expresaron esta gratitude entregándolle unha réplica dun tractor ao alcalde, Martiño Noriega.

O alcalde de Santiago, Martiño Noriega, recibiu na praza do Obradoiro os participantes na XXXIV Festa da Solidariedade. Chegaban tras realizar unha andaina que partiu do Monte do Gozo.

Seguen as concentracións de tractores en defensa do sector lácteo na cidade, coa novidade de que esta madrugada quedou aberta a SC-20 en dirección saída da cidade (Conxo- Pontevedra). Continúa pechada en dirección norte (Polígono do Tambre). Tamén quedou aberta Ponte do Sar.

Este sábado 12 de setembro celebrarase no Centro Sociocultural Aurelio Aguirre, en Conxo, unha nova entrega do programa Imos ao baile, organizado polos departamentos de Acción Cultural e de Relacións Veciñais.

A Xunta de Goberno, na súa sesión ordinaria deste venres, aprobou o convenio de colaboración entre os concellos de Santiago e Teo e a Xunta de Galicia para a coordinación dos servizos de transporte público con orixe ou destino na urbanización dos Tilos. Este acordo será asinado este luns nun acto no que participarán os alcaldes de Santiago, Martiño Noriega, e de Teo, Rafael Sisto, e a conselleira de Medio Ambiente Territorio e Infraestruturas, Ethel Vázquez.

O alcalde, Martiño Noriega, e o concelleiro de Educación e Cidadanía, Manuel Dios, participaron esta mañá no Auditorio no acto de inauguración do curso escolar de Infantil e Primaria, unha cerimonia que se celebra por primeira vez e á que se lle quere dar continuidade. Con ela, o Concello de Santiago recoñece o labor do profesorado, ao tempo que despide aos alumnos de 6º de Primaria, que no vindeiro curso continuarán os seus estudos nos institutos da cidade.

O alcalde de Santiago cualificou de "positivo" o anuncio realizado pola compañía Ryanair de fixar unha das súas bases no aeroporto de Lavacolla a partir da temporada de verán 2016. Para Martiño Noriega, a decisión "consolida o servizo que presta esta compañía no aeroporto de Lavacolla e amplía as expectativas de mellora dese servizo, polo investimento e polo que vai repercutir a nivel de persoal".

O alcalde de Santiago, Martiño Noriega, iniciou co alcalde de Ames, José Miñones, unha rolda de contactos cos rexedores dos municipios do entorno de Santiago. O obxectivo é xerar dinámicas de traballo e de colaboración en cuestións como a mobilidade, os servizos de emerxencias ou a municipalización do servizo da auga.

O alcalde, Martiño Noriega, e o concelleiro de Educación, Manuel Dios, visitaron esta mañá o CEIP Raíña Fabiola, para acompañar os nenos e nenas no seu primeiro día de clase. O edil salientou que o curso arrancou con total normalidade nos centros públicos de Infantil e Primaria da cidade. Tamén comezaron sen incidencias os servizos de comedor e de madrugadores, aos que asisten 750 e 200 alumnos respectivamente.