ALCALDÍA
O alcalde, satisfeito coa previsión orzamentaria do Consorcio de Santiago para o período 2011-2013
O Consorcio de Santiago aprobou na súa reunión do 24 de xullo as previsións orzamentarias para os anos 2011, 2012 e 2103. A estas estimacións se referiu o alcalde compostelán en rolda de prensa, expresando a súa satisfacción, malia a minoración dun 5% de media anual.
EDUCACIÓN
O II Encontro Galego de Saxofón reúne na cidade 40 novos talentos
Por segundo ano consecutivo, Santiago de Compostela acolle o Encontro Galego de Saxofón, que xunta, esta vez nas instalacións da Escola Municipal de Música e no Conservatorio Profesional de Santiago, a novos saxofonistas de Galicia e do resto de España.
EDUCACIÓN
A nova Escola Infantil de Tras Parlamento comezará a funcionar en novembro
A concelleira de Educación, Mercedes Rosón, visitou as obras de rehabilitación que se están a levar a cabo no edificio que ata hai un ano ocupaba o Departamento de Servizos Sociais do Concello e que, a partir de novembro, acollerá a Escola Infantil Municipal de Tras Parlamento. Acompañouna Alfonso Penela, o arquitecto responsable do proxecto de rehabilitación.
MEDIO AMBIENTE
Medio Ambiente subvenciona as plantacións forestais nos montes de Compostela
O Boletín Oficial da Provincia da Coruña publicou na súa edición do 28 de xullo as Bases para o outorgamento de subvencións para plantacións forestais en montes do Concello de Santiago. Destínanse 8.000 euros para contribuír a sufragar as plantacións forestais por particulares e asociacións realizadas durante o ano 2010.
FESTAS
Pereza ofrece en Santiago o seu único concerto deste verán en Galicia
O dúo madrileño Pereza presenta o venres 30, ás 22:00 horas na praza da Quintana, o seu último traballo discográfico, Aviones. Trátase do seu sexto álbum de estudo da banda cun son máis acústico e toques de folk e country.
PLENO
A concelleira de Circulación Viaria recorda que as 14 obras en marcha coinciden por "razóns alleas ao Goberno municipal"
A concelleira de Seguridade Cidadá e Circulación Viaria, Marta Álvarez-Santullano, compareceu a petición propia na sesión ordinaria do Pleno municipal para explicar os problemas de tráfico derivados das obras que están en marcha na cidade. En total son 14 as obras en marcha, que supoñen un investimento de 40 millóns de euros.
