EDUCACIÓN
Setenta alumnos e alumnas da Escola Municipal de Verán de Inglés fixeron o último tramo do Camiño de Santiago
A Escola Municipal de Verán de Inglés 2010 English Summer School, organizada pola Concellería de Educación, fixo un pequeno tramo do Camiño de Santiago con motivo deste ano Xacobeo, dende a capela do Monte do Gozo.
FESTAS
Fogos artificiais, historias xacobeas e Lamatumbá na noite grande do Apóstolo
Xa está case todo listo para os Fogos do Apóstolo, que comezarán ás 23:30 horas do 24 de xullo dende o Obradoiro. A organización distribuirá entre os presentes na praza unha guía para seguir o espectáculo. Do 25 ao 30 de xullo haberá réplicas do espectáculo dende a praza do Obradoiro e o sábado 31 os fogos de fin de festa dende a escalinata do Campus Vida.
MOBILIDADE
O estacionamento de borde de Salgueiriños abre ao público cunha xornada continua
O alcalde compostelán, Xosé A. Sánchez Bugallo, presidiu unha xuntanza extraordinaria do Consello de Administración de TUSSA, na que se acordou o modelo de xestión do aparcadoiro de Salgueiriños. Este asunto fora tratado previamente nunha Xunta de Goberno extraordinaria. O novo estacionamento comezará a funcionar o sábado 24 de xullo, e tanto este como o de Santa Marta estarán abertos durante toda a noite desta xornada para facilitar o acceso á cidade de visitantes e veciños.
CONSORCIO
O patrimonio de Santiago de Compostela aproxímase ao cidadán
O Consorcio de Santiago pon ao servizo dos cidadáns, a través de Internet, o Sistema de Información Patrimonial (SIP) da Cidade Histórica de Santiago de Compostela. Dende o 2009, este sistema estaba dispoñible para os xestores do Consorcio e doutros organismos participantes no proxecto e a partir de agora publicarase a información Patrimonial, tanto cartográfica como documental, ao público en xeral.
ALCALDÍA
Sánchez Bugallo: "As obras en marcha son necesarias e oportunas"
O alcalde compostelán indicou en rolda de prensa que "as obras actualmente en marcha son necesarias e oportunas", xa que "é o único momento no que se poden pagar". Así, en relación ás obras en marcha na cidade, Sánchez Bugallo afirmou que "a alternativa era ou facelas este ano ou non facelas e aprazalas sine die".
ALCALDÍA
O alcalde, satisfeito cos "avances notables" en relación á estación do AVE
Tras as reunións mantidas esta semana con técnicos de ADIF, o alcalde compostelán, Xosé A. Sánchez Bugallo, expresou a súa satisfacción polos "avances notables" producidos en relación á futura estación do AVE. Agarda que para setembro se poida reunir a comisión de seguimento e xa entón se teñan perfilado os principais aspectos do novo edificio, incluídas as súas conexións.
