Noticias

O Consello de Administración de TUSSA, presidido polo alcalde compostelán, Xosé A. Sánchez Bugallo, aprobou a actualización das tarifas do transporte urbano.

O concelleiro de Relacións Institucionais, Andrés Fariña, recibiu en Raxoi os participantes no Congreso Nacional de Esperanto.

Pechadas as contas de INCOLSA de 2009 cun lixeiro beneficio, o concelleiro de Promoción Económica e Turismo, Xosé Manuel Iglesias, valorou a xestión realizada neste ano, malia ter pasado por "unha situación complexa", en relación aos 600.000 euros que se deixaron de percibir polos convenios non subscritos pola Xunta de Galicia.

O alcalde compostelán, Xosé A. Sánchez Bugallo, anunciou que, tras falar coas empresas adxudicatarias, nos meses de xullo e agosto, vanse reforzar as quendas e os grupos de traballo das principais obras en marcha na cidade. O obxectivo é acelerar o ritmo para que estas actuacións estean rematadas antes de final de ano.

O luns 5 de xullo comezarán as obras de reurbanización da rúa Torreira, financiadas no marco dos FES 2010. Esta actuación, presupostada en 327.962 euros, permitirá darlle unha aparencia urbana ao vieiro, que será de sentido único, creando beirarrúas e 32 prazas de estacionamento. A finalización da obra está prevista para finais de ano.

A Escola de Verán de Inglés (English Summer School), organizada pola Concellería de Educación, botou a andar no IES Rosalía de Castro. Estará aberta ata o 30 de xullo.

Co fin de poñer en funcionamento os pavillóns e campos de fútbol municipais, así como as pistas de atletismo do estadio de San Lázaro para a vindeira temporada 2010/2011, as entidades que teñan previsto participar en actividades de carácter periódico nestas instalacións deben presentar a súas solicitudes. A Concellería de Deportes informa que o prazo estará aberto do 5 ao 26 de xullo.

A concelleira de Medio Ambiente, Elvira Cienfuegos, xunto co xefe de Parques e Xardíns, José Antonio Mosquera, e o técnico de Medio Ambiente, Ángel Pérez Otero, participan na xuntanza ordinaria do Comité de Directivo do Proxecto Parques Urbanos Atlánticos-Parkatlantic en Angers.

A terceira edición de Santiago(é)Tapas chega a súa derradeira fin de semana nesta edición especial con motivo do Ano Santo Compostelán, na que se ampliou a duración do concurso de 17 a 24 días e se introduciron múltiples novidades.

O alcalde compostelán, Xosé A. Sánchez Bugallo, e o secretario xeral de Emigración, Santiago Camba, asinaron no Pazo de Raxoi un convenio de colaboración no que o Concello de Santiago e a Xunta de Galicia acordan realizar un programa dirixido a orientar a inmigrantes de cara á súa inserción laboral e que conta cun orzamento total de 90.000 euros.