ALCALDÍA
Apertura ao tráfico da Choupana e Galeras
O alcalde compostelán, Xosé A. Sánchez Bugallo, visitou as obras de reurbanización de Galeras e A Choupana. A primeira das vías abrirá ao tráfico nos dous sentidos o sábado 4 de decembro, mentres que pola segunda xa circulan os vehículos con normalidade a dende a mañá do mércores 1.
XUNTA DE GOBERNO
Aprobadas as novas tarifas de taxi para 2011
A Xunta de Goberno aprobou as novas tarifas de auto-taxi para 2011. A tarifa mínima por quilómetro percorrido durante o día queda en 0,89 euros, quedando a baixada de bandeira en 3,40 euros. A suba media das tarifas é dun 2,19%.
CULTURA
Oliver Laxe considera o Premio Cineuropa 2010 "un estímulo para seguir traballando"
O director parisiense de ascendencia galega, Oliver Laxe, agradeceu en rolda de prensa a concesión dun dos premios Cineuropa 2010, que "considera un estímulo para seguir traballando" aínda que "ten algo de estrano para mín", confesou, porque en xeral "os premios danse ao final das carreiras" e, sobre todo, "polos importantes nomes que xa o posúen". Oliver Laxe asistiu logo á cerimonia de entrega do premio que se celebrou no Teatro Principal e onde posteriormente se proxectou a súa película...
ALCALDÍA
O alcalde pediralle ao comisario de Política Rexional da UE que se dupliquen os Feder para atender os territorios de fronteira
O alcalde compostelán, Xosé A. Sánchez Bugallo, manterá mañá unha intensa axenda política en Bruxelas, como presidente da Rede de Cidades Europeas Transfronteirizas e Interrexionais (CECICN).
