PARTICIPACIÓN CIDADÁ
Participación Cidadá e a Asociación de Hostalería de Santiago organizan dous cursos de cociña tradicional
A programación de Participación Cidadá para o inverno traen tamén como novidade dous cursos de cociña tradicional, con degustación incluída, dirixidos aos colectivos sociais e veciñais. Están organizados en colaboración coa Asociación de Hostalería de Santiago de Compostela e Comarca e impartiranse no Centro de Formación e Cultura que a entidade ten na rúa das Salvadas, 29-31 baixo.
CULTURA
Jonás Trueba estrea en Santiago o seu filme "Todas las canciones hablan de mí"
O director Jonás Trueba que presentou en Cineuropa a súa primeira película Todas las canciones hablan de mí, manifestou en rolda de prensa que tentou contar unha historia "non xeracional, como teñen dito algúns, senón que captara unha especie de nostalxia desa xeración de transición que estamos totalmente integrados en internet pero somos a última que escribiu cartas a man. Nese sentido, é unha película máis repousada, máis física e de obxectos".
EDUCACIÓN
Un traballo sobre a historia das letras para alumnos de Educación Infantil gaña a VIII edición dos Premios Educacompostela
O alcalde compostelán, Xosé A. Sánchez Bugallo, presidiu en Raxoi a entrega dos galardóns da VIII edición dos Premios Educacompostela. Este certame é convocado pola Concellería de Educación e a Nova Escola Galega para recoñecer, promover e premiar os materiais que contribúan ao desenvolvemento educativo de Galicia.
XUNTA DE GOBERNO
A Xunta de Goberno aproba obras por máis de 700.000 euros en Son de Abaixo, Grixoa, Marrozos e San Marcos
A Xunta de Goberno, nunha sesión extraordinaria, aprobou o Plan Provincial de Cooperación ás Obras e Servizos de Competencia Municipal 2011, así coma o Plan Complementario correspondente ao mesmo ano. Estes dous plans suporá a realización de catro obras, por un total de 703.659 euros.
CONSORCIO
O Auditorio de Galicia acolle a posta en escena da ópera "A voz humana", de Poulenc
O seguinte concerto de abono da Real Filharmonía no Auditorio de Galicia (xoves 2 de decembro, ás 21:00 horas) inclúe dúas iniciativas orixinais e diversas: dunha parte a estrea absoluta de Tropos. Concerto para violín e orquestra, escrita polo compositor galego Octavio Vázquez, e doutra a posta en escena da ópera de Poulenc A voz humana.
CONSORCIO
A Comisión Executiva do Consorcio informou sobre o sistema de xestión das exencións fiscais polo 800 aniversario da Catedral
A Comisión Executiva do Consorcio de Santiago informou sobre o sistema de xestión que funcionará durante o próximo 2011 para administrar as exencións fiscais relacionadas coa conmemoración do 800 Aniversario da consagración da Catedral de Santiago. Estas exencións serán aplicadas en relación ás obras contempladas no Plan Director da Catedral, no que se especifican os diferentes traballos de restauración e rehabilitación que precisa a basílica xacobea.
XUVENTUDE
Os grupos gañadores de "MúsicaXove 2009" presentan o seu disco recompilatorio
O concelleiro de Xuventude, Xosé Baqueiro, presentará o xoves 2 de decembro, ás 19:00 horas, no Centro Sociocultural e Xuvenil Municipal do Ensanche, o CD recompilatorio cos temas que os gañadores do II Certame de MúsicaXove interpretaron nas súas finais da Sala Capitol. No acto tamén participarán compoñentes dos grupos musicais e estará o director xeral de Xuventude e Voluntariado da Xunta de Galicia, Ovidio Rodeiro.
