ALCALDÍA
O Concello incrementará os investimentos reais ata os 38 millóns de euros a pesar da redución do gasto
O alcalde compostelán, Xosé A. Sánchez Bugallo, confirmou que o nivel de investimentos reais se incrementará ata os 38 millóns de euros, 6 millóns máis que o facturado finalmente no exercicio 2009. Así será malia a redución do gasto do 4% prevista, que mesmo se incrementará ata o 5%.
CULTURA
Festival no Auditorio de Galicia a prol da Asociación Párkinson Compostela
Humor, música e circo cunha fin solidaria: colaborar coas persoas que padecen párkinson. Este é o obxectivo do III Festival Conéctate, que se celebra o domingo 11 de abril, ás 19:30 horas, no Auditorio de Galicia.
ALCALDÍA
Un estudo analizará as consecuencias para o rural da modificación da Lei do Solo
No prazo dun mes, o Concello procederá a realizar un estudo que analizará as consecuencias que para o rural terá a entrada en vigor o 21 de abril da modificación da Lei do Solo. As principais consecuencias virán derivadas da nova posibilidade de segregar as parcelas e da esixencia de un terzo de vivendas construídas para a consolidación do núcleo rural como tal, segundo avanzou o alcalde, Xosé A. Sánchez Bugallo.
ALCALDÍA
O proxecto Santiago-Une leva a Córdoba a unha delegación compostelá
O alcalde compostelán, Xosé A. Sánchez Bugallo, acompañado de varios concelleiros e de representantes da Universidade de Santiago e da Cámara de Comercio, estará en Córdoba os días 12 e 13 de abril, para continuar co plan de difusión exterior da cidade no marco do Programa Santiago-Une. A visita servirá tamén para ratificar o irmandamento de Compostela coa cidade andaluza.
CENTROS SOCIOCULTURAIS
Outra edición do Obradoiro do Espectador achega o público á escena contemporánea
A Concellería de Cultura e Centros Socioculturais e a compañía Chévere, residente na Sala Nasa, desenvolverán nos meses de abril, maio e xuño a cuarta edición do Obradoiro do Espectador. Trátase dunha actividade que ten por obxectivo achegar o público ás artes escénicas contemporáneas, proporcionándolles aos espectadores coñecementos para unha maior comprensión e diversión. A Concellería impulsa unha nova edición despois do éxito das tres anteriores.
EDUCACIÓN
Dous grupos de cámara da Escola Municipal de Música participan na II Mostra Musical do Eixo Atlántico
A Escola Municipal de Música participará o sábado 10 na II Mostra Musical do Eixo Atlántico con dous grupos de música de cámara. En total, estarán en terras lusas seis rapaces con idades comprendidas entre os 12 e os 19 anos.
PROMOCIÓN ECONÓMICA
Os seis proxectos premiados no Concurso de Novas Ideas Empresariais xa están constituídos como empresas
O concelleiro de Promoción Económica, Emprego, Comercio e Turismo, Xosé Manuel Iglesias, entregou na tenda de música O pazo das musas unha figura de Sargadelos aos promotores de cinco dos seis proxectos empresariais premiados no Concurso de Novas Ideas Empresariais Compostela Activa 2009: Itíneris Consulting, Cultureka, Abastos 2.0, O pazo das musas e VFX Factory. Queda pendente Mama Egue, xa que o seu promotor non puido asistir por atoparse de viaxe.
TRANSPORTES
Os usuarios do transporte urbano, satisfeitos co funcionamento do servizo
Os usuarios do transporte urbano de Santiago están satisfeitos co resultado que se lles presta. Así se desprende da enquisa encargada pola Sociedade Municipal de Xestión do Transporte Urbano (TUSSA), que supuxo a realización de 801 entrevistas. O perfil de usuario máis habitual é o dunha muller traballadora de entre 35 e 44 anos.
TURISMO
Turismo de Santiago colabora con Artefacto na promoción de "O Apóstolo"
O concelleiro de Promoción Económica e Turismo, Xosé Manuel Iglesias, e a produtora executiva de O Apóstolo, Isabel Rey, presentaron a colaboración de Turismo de Santiago coa empresa compostelá Artefacto Producciones para a promoción da película, que é a primeira feita en Europa coa técnica de animación stop motion. Estiveron acompañados da presidenta da Asociación de Amigos do Camiño de Santiago de Valencia, Mari Ángeles Fernández, quen colaborou na elaboración dun...
MEDIO AMBIENTE
Constitúese o Comité Directivo do proxecto medioambiental europeo ParkAtlantic
Quedou constituído en Santiago o Comité Directivo do Proxecto Parques Urbanos Atlánticos-ParkAtlantic, proxecto no que ademais de Compostela participan as cidades do Porto, Angers, Limerick e Pau. A concelleira do Medio Ambiente de Santiago, Elvira Cienfuegos, exerceu de anfitrioa desta primeira xuntanza e na mesma estiveron representadas todas as outras cidades coa excepción do Porto, que non puido asistir por imprevistos de última hora.