Noticias

O concelleiro de Espazos Cidadáns, Dereito á Vivenda e Mobilidade participa hoxe en Zaragoza nunha reunión do Observatorio Municipal de Rehabilitación, impulsado pola Federación Española de Municipios y Provincias e a Fundación La Casa que Ahorra.

O Consorcio de Santiago destinou un total de 42.611,93 euros nos últimos tres mes deste ano ao servizo de reparación, mantemento e conservación dos pavimentos do recinto intramuros da cidade histórica. Entre febreiro e maio actuouse en 18 rúas e prazas, cun total de 88 intervencións.

O Concello de Santiago pon en funcionamento unha app para móbiles que facilitará que a cidadanía comunique as incidencias que detecten no termo municipal. O edil de Medio Ambiente e Convivencia, Xan Duro, presentou este servizo, chamado Liña Verde, e que "ten como obxectivo axilizar a resolución de problemas relacionados fundamentalmente co equipamento urbano".

A Real Filharmonía de Galicia celebra este venres un concerto para o público infantil e familiar, ás 18:30 horas, no Auditorio de Galicia. Esta cita enmárcase dentro do ciclo ¡Descubre unha orquestra para ti, a túa!, que busca achegar a RFG e a música clásica a novos públicos. Neste caso, as entradas custan 5 euros e cada menor de 14 anos recibirá dúas gratuítas se vai acompañado de dous adultos. A batuta levaraa o director titular e artístico da agrupación, Paul Daniel, e a...

O concelleiro de Medio Ambiente e Convivencia e a edil de Economía e Facenda mantiveron onte pola tarde unha xuntanza cos representantes dunha trintena de asociacións de veciños, para lles dar conta da proposta do Goberno para a modificación da Ordenanza reguladora de actividades, instalacións e ocupacións da vía pública. Xan Duro e María Rozas explicaron tamén os cambios formulados na ordenanza fiscal que lle afecta aos vaos.

A Concellaría de Educación e Cidadanía vén de publicar as listaxes de admitidos/as e de agarda nos obradoiros de verán 2016 nas escolas infantís municipais de Conxo, As Fontiñas e Meixonfrío-Salgueiriños. Os solicitantes que o desexen poderán realizar as súas consultas a partir de hoxe xoves na propia Concellaría, a través dos teléfonos 981 554 400/401, ou nas escolas infantís para as que se solicitou praza.

O Concello de Santiago súmase á celebración do Día das Letras Galegas e ao recordo a Manuel María, o autor homenaxeado este ano. O alcalde, Martiño Noriega, e a concelleira Branca Novoneyra presentaron hoxe as actividades organizadas polos departamentos de Lingua e Acción Cultural para celebrar o 17 de maio, e para poñer en valor a obra do poeta lugués e a súa vinculación con Compostela.

Aline Frazão (Luanda, 1988) é un dos nomes destacados da nova xeración de músicos angolanos. Cantante, compositora, guitarrista e produtora, naceu e creceu en Luanda e reside actualmente en Lisboa. Mañá chega a Compostela para presentarnos o seu último traballo, Insular. Será no Teatro Principal, ás 20:30 horas. As entradas teñen un prezo de 12 euros (6 € cos descontos habituais) e poden mercarse na billeteira do Principal, no 902 434 443 ou en

O alcalde amosouse hoxe optimista con respecto ao proxecto da intermodal, e mostrou a súa confianza en que o convenio entre as tres administracións implicadas quede pechado na próxima semana. Martiño Noriega adiantou que para o próximo mércores está prevista unha nova reunión en Madrid, na que se analizará o texto definitivo, ao que o Concello de Santiago aportou algunhas correccións de carácter técnico e formal.

O edificio Cersia acolleu esta mañá a celebración da xornada O mercado de traballo na hostalería, que congregou a profesionais do sector para analizar o mercado laboral no mesmo. Alí estivo presente a concelleira de Igualdade, Desenvolvemento Económico e Turismo, Marta Lois, que incidiu na "necesidade de que se mellore a calidade dos empregos para que se puidese mellorar así a calidade do turismo cara a superar a estacionalización do sector na cidade".