Noticias

A concelleira de Igualdade, Desenvolvemento Económico e Turismo, Marta Lois, presentou esta mañá, acompañada de Rosaura Leis, a conferencia que esta última dará o sábado 18 de xuño no CSC de Fontiñas.

Mañá mércores, 15 de xuño, o cantante e compositor Santiago Auserón ofrecerá un concerto xunto á Real Filharmonía de Galicia, ás 21:00 horas, no Auditorio de Galicia. Esta mañá, o artista presentaba este proxecto en rolda de prensa, xunto ao alcalde de Santiago e presidente do Consorcio da Cidade, Martiño Noriega; e a xerente do Consorcio de Santiago, Belén Hernández.

A concelleira de Acción Cultural, Branca Novoneyra, participa en Madrid na xornada de creación do Grupo de Traballo sobre Industrias Culturais e Creativas, Branca Noveneyra. A xornada celébrase este martes na Factoría Cultural de Madrid. O obxectivo do novo grupo é poñer en valor as posibilidades que ofrecen as industrias culturais e creativas para o desenvolvemento local.

O Grupo de Cidades Patrimonio da Humanidade de España realizou unha serie de presentacións técnicas do seu produto en Seúl, Tokio e Manila co fin de impulsar a súa imaxe como destino para os viaxeiros do mercado asiático

O alcalde de Santiago, Martiño Noriega, recibiu a presidenta da Asociación Galega de Musicoterapia (AGAMUS), Montse Merino.

A praza do Obradoiro acolleu unha concentración para condenar o último asasinato machista, que deixou esta fin de semana unha vítima en Badalona.

O alcalde de Santiago, Martiño Noriega, descubriu este mediodía unha placa en lembranza de Xosé Mosquera Pérez, "O vello dos contos", no número 36-38 da rúa do Franco. Alí, no exterior do inmoble no que residira, estivo acompañado da familia do homenaxeado, encabezada pola súa filla, Lola Mosquera. Tamén asistiron o presidente da Fundación Rosalía, Anxo Angueira; os directores dos IES Xelmírez I e Rosalía de Castro, Manuel Portas e Ubaldo Rueda; e representantes da Corporación...

O Auditorio Abanca acollerá este martes, ás 20:00 horas, a charla divulgativa "O Camiño matemático cara os Oscar", na que participará o profesor de UCLA, Joseph Teran, quen participou no desenvolvemento matemático do modelo que permitiu a recreación natural dos movementos da neve na película Frozen, recoñecida con multitude de premios, entre eles o Oscar á Mellor Película Animada no 2014, e que conseguiu unha recadación mundial superior aos 1.200.000 millóns de dólares.

O vindeiro venres, 17 de xuño, ás 14:00 horas, remata o prazo de solicitude de permisos para as cacharelas/ou sardiñadas, tanto públicas como privadas, con motivo do San Xoán. O modelo de solicitude está a dispor da cidadanía na Oficina de Atención ao Cidadán, na rúa Salvador Allende, ou nesta web.

A só dous días para o comezo do Foro da Innovación para o Emprego 2016, que terá lugar no Palacio de Congresos e Exposicións en Santiago de Compostela os días 15 e 16 de xuño, xa se poden ofrecer algúns datos provisionais. Así, recibíronse 129 ofertas de 78 empresas diferentes, rexistráronse máis de 3.200 inscricións das persoas usuarias nesas ofertas e foron remitidos ás empresas máis de 800 currículos que se axustaban aos perfís requiridos.