Noticias

O Concello vai reparar o Estadio de San Lázaro, grazas a un acordo coa Federación Galega de Fútbol que hoxe recibiu o visto bo da Xunta de Goberno. A entidade asumirá o custo das obras, estimado en 763.000 euros, como contraprestación pola concesión demanial sobre un dos locais do Estadio, que utilizará para establecer en Compostela o núcleo principal da súa actividade federativa. O alcalde salientou a importancia deste acordo, que permitirá solucionar problemas estruturais moi importantes nesta infraestrutura deportiva.

O ciclo TerraZeando cumpre este verán cinco anos mantendo a súa intención de encher de música algunhas das terrazas e espazos máis singulares de Compostela e A Coruña, cidade onde tamén se celebra. E nesta edición conta coa colaboración do Concello de Santiago. Así, presentárono esta mañá a concelleira de Acción Cultural, Branca Novoneyra, e Álvaro Álvarez, secretario da asociación Desconcierto Cultural, organizadora do ciclo. En Compostela celebrarase do 30 de...

O concelleiro de Espazos Cidadáns, Dereito á Vivenda e Mobilidade anunciou hoxe a posta en marcha das primeiras medidas para reducir o tráfico no barrio de San Pedro, a partir do próximo mes de xullo. Para iso, a Xunta de Goberno aprobou esta mañá o Estudo de Mobilidade sobre as actuacións de recuperación de espazo público neste ámbito, elaborado por Tussa. Jorge Duarte explicou que "todos os pasos que se están dando na peonalización de San Pedro están acordados coas dúas asociacións...

O lendario crítico de cinema Jonathan Rosenbaum, será un dos principais convidados da 13ª edición de Curtocircuíto - Festival Internacional de Cine, que terá lugar en Santiago de Compostela entre os días 3 e 9 de outubro de 2016.

A concelleira de Igualdade, Desenvolvemento Económico e Turismo, Marta Lois, presentou un novo programa municipal para potenciar o atractivo turístico das Festas de San Xoán en Santiago. Estivo acompañada pola presidenta da Asociación Hostalería Compostela, Sara Santos, que colabora no proxecto, e pola xerente en funcións de Turismo de Santiago, Yolanda Ferro.

Os concelleiros de Espazos Cidadáns, Jorge Duarte, e de Acción Cultural, Branca Novoneyra, deron conta esta mañá da nova etapa que afronta a Casa da Xuventude, e na que colaboran os dous departamentos municipais. O inmoble, rebautizado provisionalmente como Matadoiro de Compostela, converterase nun espazo autoxestionado para ser usado por asociacións de todo tipo, seguindo a fórmula de La Tabacalera de Madrid.

Este ano, o Concello de Santiago reedita a súa alianza cos Premios Martín Códax da Música para celebrar a gran cita musical europea cos mellores proxectos musicais do ano. O martes 21 de xuño, en Compostela encheranse as rúas de música. Música para cantar, para bailar, para escoitar e para dar que falar.

A Policía Local de Compostela colaborou na pasada semana na campaña de control da taxa de alcoholemia e drogas impulsada pola Dirección Xeral de Tráfico. Ao seu abeiro, realizáronse 1.046 probas, das que 20 foron positivas (o 1,91%) e 1.026 negativas. Das probas positivas, 16 traduciranse nunha denuncia administrativa.

A concelleira de Igualdade, Desenvolvemento Económico e Turismo, Marta Lois, clausurou o Foro da Innovación no Emprego 2016, organizado pola Axencia Local de Colocación (Servizo de Emprego do Concello de Santiago de Compostela).

O Pleno da Corporación aprobou inicialmente, cos votos a favor de Compostela Aberta, PSOE e BNG e a abstención do PP, a nova ordenanza Compostela +, impulsada polo Goberno local e aprobada en Xunta de Goberno o pasado venres 3 de xuño.