DEPORTES
A Fundación Compostela Deporte e os empresarios do Tambre unen deporte e solidariedade
O alcalde compostelán e presidente da Fundación Compostela Deporte, Xosé A. Sánchez Bugallo, e o presidente da Asociación de Empresarios do Polígono do Tambre (AEPIT), Jesús Chenel Noya, asinaron un convenio de colaboración, polo que traballarán conxuntamente dentro do ámbito social e deportivo.
CONSORCIO
Todo listo para o fallo do "Premio Compostela de Cooperación Urbana"
Xerardo Estévez preside o xurado da primeira edición do Premio Compostela de Cooperación Urbana, que se fallará o luns 29. O premio convócano o Consorcio de Santiago, a Axencia Española de Cooperación Internacional do Ministerio de Asuntos Exteriores e a Dirección Xeral de Cooperación Exterior da Xunta de Galicia.
CULTURA
Buratini achega o medio ambiente aos máis pequenos
No marco do programa de teatro didáctico da Concellaría de Cultura, a compañía Teatro Buratini presenta a súa obra "Mensaxe nunha botella de plástico", coa que pretende animar aos máis novos a acudir ao teatro e tamén a coidar o seu entorno. Os centros educativos poderán achegarse ao Teatro Principal compostelán os vindeiros días 29, 30 e 31 de outubro.
ALCALDÍA
Recoñecemento aos galegos do ano
O alcalde compostelán, Xosé A. Sánchez Bugallo, asistiu unha edición máis á entrega dos premios "Galegos do ano", promovidos polo grupo El Correo Gallego. No acto, ao que tamén asistiu, entre outros, o presidente da Xunta, Emilio Pérez Touriño, recoñeceuse a persoas e institucións galegas que destacan polo seu labor e traxectoria.
DEPORTES
Un novo libro dá a coñecer o deporte paralímpico e os seus valores
No Colexio Maior Fonseca presentouse o libro "Tiempos Paralímpicos" ante un grupo de estudantes de Santiago. Este libro, promovido polo Comité Paralímpico Español e patrocinado pola Fundación Cultural Banesto, pretende dar a coñecer os valores do deporte paralímpico entre os máis novos.
LINGUA
O Concello de Santiago, invitado a integrarse no Consorcio para a Planificación Lingüística
A secretaria xeral de Política Lingüística, Marisol López, reuniuse en Raxoi co alcalde compostelán, Xosé A. Sánchez Bugallo, e coa concelleira de Normalización Lingüística, Guadalupe Rodríguez. O obxectivo da xuntanza era falar do que será o Consorcio para a Planificación Lingüística, no que, xunto á Administración autonómica, se integrarán concellos e deputacións.
PLENO
Carlos Nieves tomou posesión como concelleiro
O número 11 das listas socialistas nas últimas eleccións, Carlos Nieves, tomou posesión como concelleiro no Pleno Municipal. Trala renuncia de Francisco Candela, asume as funcións de concelleiro de Transportes e Mercados.
URBANISMO
O Concello seguirá a defender a aprobación definitiva do PXOM na súa totalidade
Na sesión ordinaria do Pleno deuse conta da orde da Consellería de Política Territorial, Obras Públicas e Transportes, do 3 de outubro, sobre a aprobación definitiva do Plan Xeral de Ordenación Municipal (PXOM). O Concello iniciará deste xeito os trámites para xustificar e defender aqueles puntos que non foron ratificados pola Xunta.
PLENO
O Pleno aproba inicialmente as ordenanzas de ingresos públicos para o ano 2008
Co voto favorable dos dous grupos municipais do Goberno e o negativo do PP, aprobáronse inicialmente as ordenanzas fiscais para 2008, explicadas no Pleno polo concelleiro de Facenda e Orzamentos, Andrés Fariña.
PROMOCIÓN ECONÓMICA
O taller de Belén Mosquera, a primeira empresa xurdida do Equal Compostela Social, celebra o seu desfile
O venres 26 de outubro terá lugar o desfile-presentación do atelier de moda Prét-a-couture Belén Mosquera, a primeira empresa xurdida a través do Proxecto Equal Compostela Social, impulsado pola Concellaría de Promoción Económica, Emprego, Comercio e Turismo. Máis de 200 persoas xa recibiron a invitación para asistir ao acto, que se celebrará ás 21:00 horas no Café Casino (rúa do Vilar, 35). Entre as modelos que participarán na presentación, na que se poderán ver tanto traxes...