ALCALDÍA
Santiago, elixida para mostrar a súa experiencia urbana na Exposición Universal de Shanghai 2010
A cidade de Santiago foi elixida polo xurado do Comité Internacional da Expo Shanghai 2010 para participar cun espazo propio na área reservada á presentación das mellores prácticas urbanas do mundo. Así o anunciou o alcalde, Xosé A. Sánchez Bugallo, unha vez coñecida a designación.
EDUCACIÓN
"Cerca", da arxentina María Natalia Colombo, faise co I Premio Internacional "Compostela" para Álbums Ilustrados
O alcalde compostelán, Xosé A. Sánchez Bugallo, inaugurou na Galería Sargadelos a Campaña de Animación á Lectura, que este 2008 chega á súa oitava edición baixo o título "O eco da memoria". Alí, no Día Internacional do Libro Infantil e Xuvenil, anunciou a gañadora do I Premio Internacional Compostela para Álbums Ilustrados, que foi María Natalia Colombo, de Arxentina, polo traballo titulado Cerca.
CULTURA
Seis centros socioculturais acollen o II Ciclo "Revelando Voces"
Un total de 16 concertos de oito autores integra a segunda edición do ciclo "Revelando Voces en Compostela", que se desenvolverá nos meses de abril e maio. Á vista do éxito da primeira convocatoria de 2007, incrementouse o número de concertos e o número de escenarios, seis nesta ocasión.
COMERCIO
O Concello recoñece a cinco comercios a súa longa traxectoria de servizo á cidade
O 10 de abril celebrarase no Teatro Principal a III Gala do Comercio "Compostela Capital de Compras". No transcurso da mesma, serán homenaxeados cinco comercios composteláns pola súa traxectoria de décadas ao servizo dos clientes: Farmacia Valdés, Joyería Frade, Novedades Carmiña, Mercería Algui e Morandeira Moda.
CULTURA
O pianista Joaquín Achúcarro interpreta a Brahms xunto á Real Filharmonía de Galicia
O novo concerto de abono da Real Filharmonía, o xoves 3 de abril no Auditorio de Galicia, terá como protagonista á música de Brahms, en concreto o "Concerto para piano núm. 2", peza de especial beleza que será interpretada polo coñecido pianista Joaquín Achúcarro.
TURISMO
Lavacolla renova a rota con Dublín
Tras o éxito do lanzamento en 2007 da rota entre Santiago e Dublín (Irlanda), a compañía Air Lingus recupéraa para o período comprendido entre abril e outubro. Será con dúas frecuencias semanais, os martes e os sábados.
EDUCACIÓN
Comezan os concertos didácticos de música tradicional nos centros de ensino
O mércores 2 de abril comeza o ciclo de concertos didácticos de música tradicional. Desenvolveranse ao longo do mes de abril nos centros de Ensino de Compostela.
CULTURA
O Centro de Estudos Composteláns Ánxel Casal definirá o acervo cultural e histórico da cidade
O concelleiro de Cultura, Néstor Rego, presentou o proxecto de rehabilitación do Centro de Estudos Composteláns Ánxel Casal e os seus futuros contidos. Definiuno como "un centro activo de estudo e divulgación da historia local, de recuperación da memoria e de proxección exterior de Compostela".
CONSORCIO
Concello e Consorcio executarán un sistema unificado e permanente de mantemento do pavimento na zona histórica
A Comisión Executiva do Consorcio aprobou a creación dun sistema de conservación do pavimento da zona histórica en colaboración co Concello. Este novo modo de conservación permanente substituirá ao actual, baseado en proxectos para determinadas rúas onde se detectaba o deterioro. A actuación sobre o enlousado refórzase tamén coa posta en marcha do programa de formación "A pedra que pisas".
ALCALDÍA
O alcalde departe cos veciños de Rocha Vella para coñecer as necesidades do barrio
O alcalde compostelán, Xosé A. Sánchez Bugallo, mantivo unha reunión co presidente da Asociación de Veciños "Serafín Zas" de Rocha Vella, Serafín Seoane, xunto a outros representantes veciñais e varios concelleiros.