Noticias

Un total de 31 mulleres e 9 homes participaron durante o mes de outubro e a primeira semana de novembro nos obradoiros da risa postos en marcha nas parroquias do rural pola Concellaría de Medio Rural en colaboración con Igualdade.

O Festival Internacional Cineuropa, que organiza o Concello de Santiago, implantou un novo sistema de vendas que permite a compra de bonos para 10 películas por internet. Dende onte ás 15:30 horas, a través da páxina de venda de billetes municipal, compostelacultura.gal, é posible comprar entradas para todo o festival, así como os clásicos bonos de 10 películas.

O alcalde visitou esta mañá as instalacións da empresa Televés en Conxo. Durante o percorrido, no que tamén participou a concelleira Marta Lois, Martiño Noriega estivo acompañado polo director xeral corporativo de Televés, Santiago Rey, e polo secretario xeral da corporación, Jorge Lorenzo.

Nesta segunda xornada do festival, Cineuropa renderá unha necesaria homenaxe ao cinema indomeable e transfronteirizo de Isaki Lacuesta —máis valioso que nunca nun mundo que levanta por todas partes muros de odio—, outorgándolle o primeiro dos tres premios desta edición. A cerimonia de entrega do premio terá lugar ás 20:15 horas no Teatro Principal. O acceso é gratuíto previa recollida de convite no despacho de billetes da mesma sede.

O persoal municipal segue preparándose para a implantación da Administración Electrónica, o proxecto de modernización máis importante da historia recente do Concello de Santiago. Este mediodía celebrouse unha reunión de traballo da empresa provedora do servizo, T-Systems, coas xefaturas dos diferentes departamentos municipais.

A concelleira de Mocidade, Noa Morales, presentou o programa Boas Noites, unha das actividades máis votadas no proceso de orzamentos participativos do 2018, e que leva xa tres edicións. Na rolda estivo acompañada de Nerea Couselo, da empresa Xandobela, e de Hadrián Rei, da Asociación Cultural e Xuvenil Itaca, encargada de propoñer e desenvolver esta actividade.

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos/as. Ao longo do ano ofrécese a posibilidade de asistir a unha serie de clases maxistrais que imparten solistas de prestixio internacional. A vindeira semana, o trompetista galego Yael Fiuza formará neste instrumento tanto aos estudantes da escola como a alumnos/as externos/as interesados/as en perfeccionar a súa interpretación con este instrumento.

A tenenta de alcalde, María Rozas, e o concelleiro de Medio Ambiente e Convivencia, Xan Duro, reuníronse hoxe en Madrid co director xeral da Función Pública, Javier Rueda. Foi para solicitar "que se estuden solucións excepcionais para que Santiago poida contratar máis policías locais, tendo en conta as características especiais da cidade e o reto que suporá o Xacobeo 2021, tamén en materia de seguridade". Na xuntanza, Rueda mostrouse sensible coas peticións de Santiago e comprometeuse a analizar as...

Mañá mércores 7 de novembro, dará comezo ás 20:00 h, no Teatro Principal, a cerimonia de apertura da 32ª edición de Cineuropa, dando así o pistoletazo de saída a 22 días co mellor cine do último ano. O acto inaugural, que será conducido por Moncho Lemos, contará coa presenza do alcalde, Martiño Noriega, e da vicepresidenta da Deputación de Coruña, Goretti Sanmartín. Así mesmo, o director do festival, José Luis Losa, analizará a programación...

Máis de 800 xadrecistas cadetes de todo o mundo danse cita na nosa cidade para disputar o Mundial sub-8, sub-10 e sub-12 de xadrez, que se celebrará ata o 15 de novembro na Cidade da Cultura. O alcalde de Santiago, Martiño Noriega, acompañado das concelleiras de Deporte e de Turismo, Noa Morales e Marta Lois, asistiron onte á inaguración do campionato.