Noticias

Tras o éxito obtido en 2008, con máis de 15.000 visitantes e máis de 150 expositores, o Fórum Gastronómico trasladarase denovo ao Recinto Feiral de Santiago do 20 ao 24 de febreiro. Serán 6.000 metros cadrados de espazo expositivo no que estarán presentes algunhas das mellores empresas do sector enogastronómico.

O alcalde, Xosé A. Sánchez Bugallo, acompañado pola concelleira de Urbanismo, Mercedes Rosón, e polo concelleiro de Obras, Bernardino Rama, mantivo unha xuntanza no Centro Sociocultural de Santa Marta coa práctica totalidade de representantes das 30 familias que residen no grupo de vivendas San Ignacio de Loiola, popularmente coñecidas como Banco do Pobre.

Continúan as proxeccións de Cineuropa, que se celebra ata o 2 de decembro, pero tamén os diferentes eventos que se artellan arredor do festival, organizado pola Concellaría de Cultura. Así, o martes 10, tras a proxección de A mirada de Anna haberá un debate arredor da Transición en Galicia.

O alcalde compostelán, Xosé A. Sánchez Bugallo, anunciou que xa se está a traballar para que tanto a redacción do Plan Especial de Reforma da Estación do AVE como a do proxecto arquitectónico realizaranse en paralelo. Así se acordou nas conversas mantidas entre o Concello, o Ministerio de Fomento e ADIF.

Un edificio situado na rúa do Medio, número 65, foi o primeiro en inscribirse no Programa de Edificios Tutelados, plan que permite recuperar vivendas en desuso da Cidade Histórica e incluílas en bolsas de aluguer. As obras de rehabilitación deste inmoble están a piques de rematar.

En virtude das dilixencias previas do procedemento abreviado 2473/2009, que se segue no Xulgado de Instrución nº 2 de Santiago de Compostela, os días 2 e 3 de decembro deberán prestar declaración como testemuña os membros da Mesa de Contratación de Obras: a concelleira Elvira Cienfuegos López, os concelleiros Andrés Fariña Cadenas, Albino Vázquez Aldrey e Ángel Luís Espadas Díez; a interventora municipal, o vicesecretario xeral e o alcalde, Xosé A. Sánchez Bugallo, na súa...

Presentouse en Raxoi o Boletín sobre o mercado laboral de Compostela correspondente ao primeiro semestre de 2009. Esta publicación recolle os principias indicadores laborais e económicos na cidade e é un instrumento para a orientar as políticas activas de emprego que se realizan dende o Concello.

A sede da Fundación Caixa Galicia, na rúa do Vilar, acolle ata o 30 de marzo de 2010 a exposición Miradas. Cara o paraíso. Un diálogo coa arte galega e as vangardas internacionais, comisariada por Fernando Castro. Está composta por 51 pezas procedentes da Colección Caixa Galicia.

Segundo lle comunicou a Casa Real ao alcalde de Santiago, Xosé A. Sánchez Bugallo, o presidente da Xunta de Galicia, Alberto Núñez Feijóo, será o delegado rexio tanto no acto da Ofrenda de Traslación dos restos do Apóstolo de 2009, que terá lugar o mércores 30 de decembro, como no acto de Apertura da Porta Santa, o xoves 31 de decembro.

As obras de renovación da cuberta do Auditorio de Galicia están practicamente rematadas. A concelleira de Cultura e Centros Socioculturais, Socorro García Conde, comprobou persoalmente o estado da reforma, acompañada polo director xerente do Auditorio, Paulo Rodríguez, pola arquitecta responsable da reforma, Cristina Ouzande, e máis polo director técnico do Consorcio de Santiago, Ángel Panero.