Noticias

O alcalde de Santiago, Martiño Noriega, reuniuse co xefe de zona da Garda Civil en Galicia, o xeneral de brigada José María Feliz Cadenas.

Este mércores, 11 de marzo, a Policía Local de Santiago impartirá unha charla-taller sobre educación viaria para embarazadas e sistemas de retención infantil, baixo o título "Abrázao á vida". Será no Centros Sociocultural e Xuvenil Municipal do Ensanche, de 18:30 a 20:00 horas.

Para o mes de maio, o Centro de Interpretación Ambiental de Compostela (CIAC) preparou un programa que inclúe un obradoiro sobre bioconstrucións para a flora e a fauna urbana e un roteiro sobre biodiversidade na cidade. Completarase o calendario coa celebración do IV Encontro de Cidadanía ao Poder, organizado polas Coordinadoras de ONGDs e cun curso de iniciación á apicultura da Asociación Galega de Apicultura.

Concluíu o XXI Certame de Teatro Intercentros coas tres representacións dos grupos de primaria. O concurso, organizado pola Concellaría de Educación e Cidadanía e a coordinadora de Equipas de Normalización Lingüística, xa celebrara dúas xornadas coas posta en escena das obras dos centros de secundaria.

Esta mañá empezou a funcionar o parque infantil de tráfico que a Policía Local instalou no recinto feiral de Amio, dentro do seu programa de seguridade viaria Móvete seguro con Moito Olliño. O alumnado de 6º de Primaria do CEIP Raíña Fabiola foi o primeiro en probar as instalacións, ante a atenta mirada do concelleiro de Convivencia e Medio Ambiente. Xan Duro explicou que o parque infantil de tráfico é "a parte práctica dun programa que, na súa parte teórica, chegou xa a 24...

A Real Filharmonía de Galicia celebra esta semana dous concertos no Auditorio de Galicia, nos que renderá homenaxe a Shakespeare e Cervantes con motivo do 400 aniversario da súa morte. O do xoves será de abono e o do venres, para nenos e familias, a un prezo reducido.

Despois de catro días de concertos, festa e actividades que encheron de xente as rúas da nosa cidade, as Festas da Ascensión do 2016 chegan ao seu fin con programación para todos os públicos.

A xornada do sábado nas festas da Ascensión contou con actividades para todos os públicos. Houbo deporte, espectáculos para os máis pequenos, a tradicional Festa dos Maiores e moita música.

A Xunta de Goberno aprobou hoxe a apertura do procedemento de adxudicación do servizo para rozas, limpeza e mantemento dos viarios e parcelas municipais. O contrato, que se adxudicará polo procedemento aberto, terá un tipo de licitación de 181.818,18 euros, IVE aparte. Desa cifra, 170.000 euros corresponden á anualidade de 2016, e 50.000 euros á anualidade de 2017.

A Concellería de Desenvolvemento Económico, a través do seu Departamento de Comercio, e a Unión de Consumidores de Galicia, puxeron en marcha un plan de formación continua en materias de consumo dirixido aos comerciantes da cidade. Os obxectivos do plan de formación son contribuír á mellora da calidade das relacións entre comerciantes, consumidores e empresas de servizos, e á mellora das relacións comerciais baseadas nas novas tecnoloxías.