Noticias

A edición 2012 do Fórum Gastronómico, a terceira que se realizará en Santiago de Compostela, celebrarase os días 26, 27 e 28 de febreiro no Palacio de Congresos e Exposicións de Galicia. O certame manterá as súas liñas mestras e o seu nivel de calidade, malia a redución orzamentaria.

O alcalde compostelán, Xerardo Conde Roa, anunciou que en vindeiros días se convidará os tratantes de gando para unha nova reunión para falar sobre o futuro do mercado de gando de Amio. Discutirase en torno ás dúas propostas que existen sobre a mesa para chegar a un acordo que o alcalde está convencido que se logrará.

A Xunta de Goberno Local, na súa sesión ordinaria, iniciou a contratación dun servizo para a realización dun diagnóstico económico-financeiro e dunha análise da situación de xestión e operativa do Concello e dos seus servizos. O prego de condicións establece que esta auditoría debe estar lista nun tempo máximo 20 semanas, se ben a realización da mesma nun tempo menor suporá unha mellora na puntuación.

A Copa do Mundo gañada pola Selección Española de fútbol no Mundial de Sudáfrica volve a estar en Compostela, traída por un dos patrocinadores do combinado español. Desta vez, os afeccionados puideron ver tamén o trofeo da Eurocopa.

O alcalde compostelán, Xerardo Conde Roa, recibiu a tres asociacións veciñais. Primeiro pasou por Raxoi a asociación de veciños de Lavacolla, seguida da do Casco Histórico e, finalmente, da pertencente a San Lázaro.

O alcalde compostelán, Xerardo Conde Roa, recibiu en Raxoi a directiva da Asociación de Periodistas de Santiago de Compostela (APSC), encabezada polo seu presidente, Luis Menéndez.