Noticias

O Pazo de Raxoi acolleu esta mañá a sinatura de dous protocolos de colaboración: por un lado, os alcaldes de Santiago e Vilagarcía, Xosé Sánchez Bugallo e Alberto Varela, comprometéronse á promoción turística conxunta; polo outro, Compostela e a Mancomunidade do Salnés acordaron a difusión de dúas iniciativas relacionadas co Camiño de Santiago. Por parte da Mancomunidade asinou a súa presidenta, Marta Giráldez.

Aínda que as cifras de Santiago son "francamente boas", o rexedor compostelán chamou de novo á reponsabilidade da cidadanía ante o levantamento das medidas restritivas polo fin do estado de alarma o vindeiro día 8.

Os Centros Socioculturais do rural van incorporar o proxecto "As aventuras de Luli", a súa programación de actividades destinadas aos máis pequenos. Enmarcado na iniciativa EXCORAS (Expresión Corporal e Aprendizaxe-Servizo), que leva a cabo o alumnado do terceiro curso de grado de Mestre/a en Educación Infantil da USC, foi presentado polo concelleiro de Medio Rural, José Manuel Pichel, e polos alumnos, Pablo Gayo Pérez e Amanda Freire Martín.

A Feira do Libro volve á Alameda de Santiago do 8 ao 17 de maio. O programa completo foi presentado esta mañá en rolda polo concelleiro Sindo Guinarte; polo secretario xeral de Cultura, Anxo Lorenzo; e polo presidente da Federación de Libreiros de Galicia, Ramón Domínguez.

A rede de Centros Socioculturais vai desenvolver, con motivo do "Día mundial das abellas" que se celebra o 20 de maio, unha serie de actividades relacionadas coa apicultura. Entre o 21 de maio e o 28 de xullo, os CSC de Castiñeiriño, Fontiñas, Marrozos, Laraño, O Romaño, Vite e Santa Marta, organizan distintas conferencias, obradoiros e catas de mel. O obxectivo é familiarizar as persoas usuarias e a cativada co mundo da apicultura desde distintas perspectivas.

A concelleira de Acción Cultural, Mercedes Rosón, presentou Compostela Filmada, unha inciativa que ten como obxectivo dar a coñecer a intensa vinculación do Concello de Santiago co mundo do cinema. Este proxecto, coordinado por Óscar Senra, presente na rolda de prensa, artéllanse en torno a web compostelafilmada.gal, "unha ferramenta extraordinaria", en palabras de Rosón, "para pór en valor outra forma de patrimonio".

A concelleira responsable de Políticas Sociais, Mila Castro, o presidente da Asemblea Comarcal de Cruz Vermella en Santiago de Compostela, José Luis Barreiro Conde, e a coordinadora da mesma entidade, Rocío Ovalle, presentaron esta mañá o novo Servizo Municipal de Urxencias Sociais, SEMUS Compostela, co que se ofrecerá de xeito inmediato unha atención especializada ás persoas que, de forma imprevista, se atopan en situación de vulnerabilidade social. O proxecto ponse en marcha coa cofinanciación da Deputación da...

Despois dun 2020 sen Ascensión por mor da pandemia, volven as festas compostelás por excelencia, do xoves 13 ao domingo 16, con concertos na prazas, teatro, alboradas e pasarrúas; iso si, cumprindo con todas as medidas anticovid. O programa completo presentouno o concelleiro de Festas, Gonzalo Muiños.

Desde hoxe, e ata o 22 de maio, está aberto o prazo de inscrición no programa "Mañás de verán e xogo. Vive o verán 2021" que organiza o departamento de Centros Socioculturais. Trátase dun amplo abano de actividades de conciliación, que ofertan un total de 150 prazas destinadas a nenos e nenas de entre 4 e 14 anos.

O concelleiro de Educación e Mocidade, Rubén Prol, presentou hoxe os "Obradoiros de verán" das Escolas Infantís Municipais de Conxo, As Fontiñas e Meixonfrío-Salgueiriños, que ofertan un total de 45 prazas, 15 por centro. Están dirixidos a nenos e nenas empadroadas en Santiago, ou que cursen os seus estudos en centros de educación infantil e primaria desta cidade, con idades comprendidas entre os 3 e os 8 anos, é dicir, segundo ciclo de educación infantil e primeiro e segundo de educación primaria.