Noticias

O alcalde de Santiago, Xosé Sánchez Bugallo, participou o pasado venres na XXVIII Asemblea Xeral do Eixo Atlántico, que supuxo o regreso da cidade á Comisión Executiva deste organismo transfronteirizo. Na rolda de prensa para dar conta dos asuntos da Xunta de Goberno ordinaria deste luns, o rexedor aproveitou tamén para avaliar os resultados desta xuntanza, na que constatou o interese dos concellos lusos por impulsar os Camiños de Santiago. Ademais, confirmou que na primavera se formalizará o irmandamento coa cidade de Braga.

O alcalde de Santiago, Xosé Sánchez Bugallo, e a concelleira de Políticas Sociais, Mila Castro, reuníronse este luns con José Canedo e Carlos Martínez, da Asociación Itínera.

A Policía Local realizou a pasada semana (do 3 ao 7 de febreiro) controis no transporte escolar, sumándose a unha nova campaña da Dirección Xeral de Tráfico. Os/as axentes revisaron o cumprimento dos requisitos obrigatorios relativos ao transporte de menores en idade escolar, como o uso do cinto de seguridade, o acompañamento dunha persoa adulta autorizada ou a documentación actualizada do vehículo.

A praza do Obradoiro acolleu este mediodía un minuto de silencio para condenar o último asasinato machista, acontecido en Xixón.

O concelleiro de Turismo, Sindo Guinarte, e a xerente de Turismo de Santiago, Flavia Ramil, fixeron un balance da situación turística da cidade, presentando as principais expectativas para 2020. Segundo apuntou o concelleiro, "no 2019 a cidade conseguiu tres máximos históricos nas principais variables turísticas: pernoctacións nos establecementos hoteleiros da cidade, peregrinos que percorreron o Camiño de Santiago e pasaxeiros no aeroporto de Santiago-Rosalía de Castro".

O Grupo de Cidades Patrimonio da Humanidade de España promociona a súa oferta turística e monumental no mercado belga na feira Salon des Vacances, que se celebra ata o vindeiro domingo en Bruxelas. Ademais, no marco deste evento, a delegación das 15 Cidades do Grupo participou na presentación do mercado belga, organizada pola OET de Bruxelas, que se celebrou na Embaixada de España. Precisamente a embaixadora de España en Bruxelas, Beatriz Larrotcha, e o director da OET, Rafael Chamorro, visitaron a caseta do Grupo de Cidades Patrimonio na...

Santiago de Compostela volve á Executiva do Eixo Atlántico despois de oito anos, coa presenza na mesma do alcalde da cidade, Xosé A. Sánchez Bugallo, quen xogará un papel fundamental na negociación das infraestruturas co actual Goberno do Estado. Así quedou de manifesto na o XXVIII Asemblea Xeral do Eixo Atlántico, celebrada este venres na localidade portuguesa de Matosinhos.

O Pazo de Raxoi acolleu a presentación do programa do Entroido dos Xenerais da Ulla, declarado Festa de Interese Turístico de Galicia no 2013, que este ano celebran en 24 lugares e parroquias de oito concellos da Comarca da Ulla. Múltiples asociacións veciñais e comisións de festas organizan cada ano esta Festa, que conta tamén coa colaboración conxunta dos Concellos de A Estrada, Boqueixón, Santiago, Silleda, Teo, Touro, Vedra e Vila de Cruces.

O alcalde de Santiago, Xosé Sánchez Bugallo, e o delegado do Goberno en Galicia, Javier Losada, visitaron este xoves as obras de restauración da escalinata e da cripta da Catedral, unha actuación do Ministerio de Transportes incluída no Programa de Rehabilitación Arquitectónico. O proxecto, que executa a UTE Obradoiro (Proyecon e Emergis), ten un orzamento de 1,4 millóns de euros e un prazo de execución de 16 meses.

O alcalde de Santiago, Xosé Sánchez Bugallo, reuniuse este mércores co presidente da Federación Galega de Xoves Empresarios (FEGAXE), Luciano Covelo, e cunha das súas vogais, Beatriz García.