Noticias

Bandada, o libro gañador do V Premio Internacional Compostela de Álbums Ilustrados, que cada ano convoca o Departamento de Educación do Concello de Santiago e a Editorial Kalandraka, foi incluído na prestixiosa selección The White Ravens 2013, que realiza a Biblioteca Internacional da Xuventude (Internationale Jugendbibliothek) de Munich (Alemaña).

Co obxectivo de promover a educación musical entre os composteláns de todas as idades, a Escola Municipal de Música pon en marcha o ciclo de conferencias Melomanía. A primeira das sesións, celebrada na sede da EMM na Almáciga, xuntou os mestres de zanfona de Galicia.

A venda e renovación de abonos para o último trimestre da programación da Real Filarmonía de Galicia realizarase o 1 e 2 de abril de 12:00 a 14:00 horas. A partir do 4 de abril xa se poderán comprar as entradas soltas para todos os concertos do trimestre polas canles habituais. Para a renovación de abonos abonda con chamar aos teléfonos 981 571 026 ou 981 573 979.

A concelleira de Educación, María Castelao, visitou os rapaces e rapazas que están participando no CEIP As Fontiñas programa municipal de conciliación laboral e familiar no período das vacacións de Semana Santa 2013. Uns corenta nenos están inscritos nas actividades.

Os alcaldes de Santiago, Ángel Currás, e de Ferrol, José Manuel Rey, realizaron una ofrenda floral na tumba do escritor e pensador Ricardo Carvalho Calero no cemiterio de Boisaca. Este 25 de marzo cúmprense 13 anos do seu falecemento.

A concelleira de Benestar Social e Educación, María Castelao, reuniuse co Valedor do Pobo, José Julio Fernández Rodríguez, na sede da institución. Foi o primeiro contacto da nova responsable da Área de Servizos Sociais co Valedor, co que renovou o interese municipal por seguir colaborando en materias como a loita contra o consumo de alcohol por menores, e tamén noutros ámbitos como o da loita contra a exclusión social ou o da igualdade.

O alcalde compostelán, reuniuse en Raxoi coas asociacións de veciños Conxo Aberto, Esperta Conxo e Doutor Maceira. Ángel Currás explicoulle aos representantes veciñais a emenda introducida nos orzamentos do Estado, que permitirá desbloquear definitivamente a obra do túnel de Conxo, fundamental para a axilización do tráfico nesta entrada á cidade.

Triángulo de Amor Bizarro chega ao ciclo Compostela Rock coas cancións do seu último traballo discográfico, Victoria mística. As entradas para o concerto, que se celebrará xoves 25 de abril, ás 21:00 horas, na Sala Capitol, xa están á venda ao prezo de 12 euros máis de distribución en anticipada e de 15 euros na billeteira.

Cando se achega o tempo das festas patronais é momento de continuar co compromiso municipal coas asociacións de veciños. Por iso, a Área de Participación Cidadá retoma a colaboración coas mesmas con motivo das festas populares de barrios e parroquias de Santiago de Compostela, tanto con actividades como cunha axuda para a instalación de carpas.

O concelleiro de Deportes, Adrián Varela, acompañado polo presidente do Club Atletismo Fontes do Sar, José Antonio Juanatey, presentou o I Trofeo Atletismo Fontes do Sar, que se disputará o sábado 23 de marzo, a partir das 9:30 horas, no estadio de atletismo da Universidade. Serán probas en pista para escolares e servirán para realizar un control federado de marcas.