Noticias

A Concellaría de Centros Socioculturais abre a partir do xoves 13 de xuño, ás 17:00 horas, o prazo para participar na próxima excursión organizada no marco do programa Imos de excursión 2013. Trátase da viaxe á "Galicia Mariñeira", que se desenvolverá o sábado 29 de xuño.

O alcalde compostelán, Ángel Currás, e a concelleira de Turismo, Reyes Leis, reuníronse co novo director do Aeroporto de Lavacolla, Ricardo López Navarro, a piques de tomar posesión do seu cargo.

A Xunta de Goberno, na súa sesión ordinaria, aprobou a apertura do prazo de preinscrición nos servizos de comedor e de madrugadores en nove colexios da cidade. Ademais, adxudicáronse as obras de reposición de firme e beirarrúas en varias rúas do Ensanche.

A concelleira de Turismo, Reyes Leis, presentou aos medios de comunicación a reforma completa da Oficina de Información Turística Municipal, situada na rúa do Vilar, 63. O obxectivo da reforma era adecuar o espazo, facéndoo máis útil e transparente, para poder atender dun mellor xeito ao volume de persoas que empregan os servizos de información.

A segunda edición da Romaría Pop, se o tempo o permite, celebrarase o sábado 15 de xuño. O programa xa se abriu o día 6 cun concorrido concerto de presentación na Zona C con Niño y Pistola e When Nalda Became Punk. En caso de choiva, a Romaría celebraríase sábado 22.

Coincidindo coa visita do príncipe herdeiro de Xapón, Naruhito, Casa Galicia Japón organiza no Hostal dos Reis Católicos a exposición "Mirar Japón", do escultor compostelán José Francisco López "Francés". O alcalde, Ángel Currás, asistiu á inauguración da mostra.

Xoel López presenta o seu novo disco Atlántico nun concerto no Teatro Principal. Será o venres 21 de xuño, ás 21:00 horas, pechando a temporada do ciclo Íntimo & Acústico. Abrirá a velada David Quinzán, músico habitual de Xoel López e Álex Ferreira. As entradas está á venda a 12 euros e 10 euros na billeteira do Teatro Principal, en entradas.novagaliciabanco.es e no teléfono 902 434 443.