Noticias

Xa esta en funcionamento a primeira escola de baloncesto para a mellora da técnica individual e a xestión das habilidades emocionais, o Club Baloncesto Cadesa. A Concellería de Deportes dá a benvida a esta iniciativa, que encabeza o adestrador superior de baloncesto Iván Espiñeira, que pretende entregar aos xogadores de baloncesto as ferramentas necesarias para converterse no tipo de xogador que desexan ser.

O concelleiro de Mobilidade, Albino Vázquez, anunciou a posta en marcha o xoves 15 das novidades nalgunhas liñas do transporte urbano. Tamén en breve e na liña de mellorar a intermodalidade, indicou que a liña 6 terá parada na estación do tren.

A Concellería de Centros Socioculturais oferta un ano máis nas datas das vacacións escolares de Nadal un programa educativo de tempo libre que se desenvolverá nas mañás dos días 26, 27, 28 de decembro e 2, 3 e 4 de xaneiro, con horario de conciliación para as familias compostelás. Despois do éxito do verán, tamén neste Nadal se incorpora o rural a estes Campamentos Abertos de Nadal.

O concelleiro de Participación Cidadá, Francisco Noya, deu conta da decisión da comisión avaliadora das subvencións veciñais para este exercicio. Todas as solicitudes presentadas en prazo, 43, foron atendidas e, delas, 24 recibiron a subvención máxima posible, 2.000 euros.

O Servizo de Intermediación Laboral da Axencia Local de Colocación, xestionou 509 ofertas de traballo formuladas por 40 das empresas que se instalaron no Centros Comercial As Cancelas. Dende a súa posta en marcha, a Axencia xestionou 858 ofertas laborais.

Vén de abrirse o prazo de inscrición nos cursos de formación continua do Santiago Investors Support. Este plan súmase ao resto de actividades do Santiago Investors Support, que teñen coma obxectivo fomentar o desenvolvemento empresarial de Santiago neste momento de crise económica. Inclúense neste Plan de Formación Continua, oito cursos gratuitos que se realizaran entre o 19 de novembro e o 22 de decembro.