URBANISMO
O Concello actualizará a súa cartografía
A concelleira de Urbanismo, María Pardo, anunciou a próxima licitación dun contrato para a actualización da cartografía municipal. Cun tipo de licitación de 100.000 euros e un prazo de execución de nove meses, agárdase que os traballos estean rematados para principios do ano 2015.
MERCADOS
A nave 5 do Mercado de Abastos desenvolverá a idea inicial dun espazo con sete ou oito locais gastronómicos
A nave 5 do Mercado de Abastos acollerá sete ou oito locais que serán un escaparate da gastronomía compostelá e galega e dos produtos da propia Praza. Así será tras descartar a Sociedade Cooperativa do Mercado de Abastos o proxecto presentado por Hostalería Compostela, segundo indicou a concelleira de Comercio e Mercados, Reyes Leis.
DEPORTES
Dezaseis probas confirmadas no calendario de atletismo da Concellería de Deportes
O concelleiro de Deportes, Adrián Varela, presentou o calendario de probas de atletismo para este 2014. Son xa 16 competicións confirmadas, ás que se engadirá algunha máis ao longo do ano.
COMERCIO
Nova xornada de portas abertas na pista de xeo instalada na Alameda
A pista de xeo instalada na Alameda continuará aberta ata o domingo 16 de febreiro. Ademais, ofreceranse novos días de portas abertas, o primeiro dos cales será o luns 3, de 9:00 a 14:00 e de 17:00 a 19:00 horas.
ALCALDÍA
Compostela acolle o X Congreso da Asociación Española de Investigación e Cirurxía Ortopédica e Traumatolóxica
O alcalde compostelán, Ángel Currás, asistiu no Hospital Provincial de Conxo á inauguración do X Congreso de Invescot (Asociación Española de Investigación e Cirurxía Ortopédica e Traumatolóxica), que se celebra en Santiago este venres 31 e o sábado 1.
CULTURA
Luma Gómez presenta "A tixola polo mango" dentro do ciclo Falabaratos
Luma Gómez presenta o monólogo A tixola polo mango (Muller, non é para tanto) dentro do ciclo Falabaratos. Dirixida por Eduardo Alonso, estará este sábado 1 de febreiro, a partir das 20:00 horas, na Sala Agustín Magán (CSC de Santa Marta). O espectáculo repetirase de novo o sábado 8 á mesma hora.
URBANISMO
A web do Castelo da Rocha Forte, galardoada na X edición dos Premios Eganet
A concelleira de Urbanismo, María Pardo, asistiu á entrega dos X Premios Eganet, galardóns anuais concedidos polas Empresas Galegas Adicadas a Internet e as Novas Tecnoloxías. A páxina web do Castelo da Rocha Forte (rochaforte.info) resultou finalmente galardoada, na categoría de comunicación dixital, pola web do Castelo da Rocha.
ALCALDÍA
Santiago de Compostela, meta do Camiño e da Volta Ciclista a España 2014
A Volta Ciclista a España concluirá en Santiago de Compostela na edición de 2014. Será cunha etapa contrarreloxo individual que sairá da Cidade da Cultura e rematará na praza do Obradoiro. Os detalles desta etapa especial ofrecéronse nunha rolda de prensa na que participaron o alcalde compostelán, Ángel Currás; o presidente da Deputación da Coruña, Diego Calvo; o secretario xeral para o Deporte, José Ramón Lete; a directora xeral de Turismo, Nava Castro; a directora-xerente da Cidade da Cultura,...
DEPORTES
A cidade convértese na capital da patinaxe artística galega e española
O concelleiro de Deportes, Adrián Varela, presentou o XIII Campionato Galego de Grupos Show 2014, que se celebrará no Pavillón Municipal de Santa Isabel o sábado 1 e o domingo 2 de febreiro. A competición, organizada polo Club Deportivo Fontiñas coa colaboración do Concello de Santiago, reunirá a 323 patinadoras e patinadores de 17 clubs galegos, dos cales dous son composteláns, o propio C.D. Fontiñas e o Club de Patinaxe Campus Stellae.
XUNTA DE GOBERNO
A pista de xeo instalada na Alameda continuará aberta ata o 16 de febreiro
A Xunta de Goberno, na súa sesión ordinaria semanal, autorizou unha prórroga da instalación e explotación da pista de patinaxe sobre xeo na Alameda.
