Noticias

As hortas urbanas municipais son espazos dentro das zonas verdes da cidade que o Concello cede durante catro anos aos cidadáns para uso hortícola. Con estas parcelas establécese un novo concepto de espazo verde que supón unha mellora ambiental para cidades, así como da calidade de vida dos seus cidadáns, onde a participación cidadá é fundamental pois son froito do traballo e coidado dos propios usuarios, a diferenza dos xardíns e parques, coidados e mantidos polos servizos municipais.

A Real Filharmonía de Galicia ten entre as súas prioridades achegar a orquestra e a música clásica a toda a cidadanía. Así, ao longo desta temporada están previstas unha serie de actuacións na rúa e noutros espazos diferentes á sede da orquestra, o Auditorio de Galicia. Nesta liña, a RFG inicia a vindeira semana un ciclo de concertos gratuítos en barrios emblemáticos da cidade compostelá, baixo a batuta do seu director titular e artístico, o mestre Paul Daniel.

O alcalde de Santiago, Xosé Sánchez Bugallo, mantivo esta mañá varias xuntanzas. Unha delas, acompañado da concelleira de Educación, Noa Díaz, foi cunha delegación do IES Xelmírez I, encabezada polo seu director, Manuel Portas.

Santiago de Compostela sumarase un ano máis á Semana Europea da Mobilidade, que se celebra do 16 ao 22 de setembro. O Concello, coa colaboración de colectivos como Composcleta ou establecementos como Decathlon, organiza varias actividades para concienciar á cidadanía dos beneficios dos modos de desprazamento sostibles. Haberá unha xornada dedicada á bicicleta, actividades con varios centros escolares e unha exposición sobre vehículos non contaminantes.

A Policía Local participará durante a próxima semana nunha nova campaña especial de vixilancia da Dirección Xeral de Tráfico, desta vez centrada nas distraccións na condución. Os/as axentes realizarán controis entre o 16 e o 22 de setembro.

O alcalde de Santiago de Compostela, Xosé Sánchez Bugallo, acompañado da concelleira de Modernización da Administración Local, Marta Abal, recibiu á directiva da Asociación PuntoGal e aos participantes na reunión do Geotld Group, que representa a varios dominios xeo-lingüísticos, e que se celebra ata mañá en Santiago de Compostela. Tamén asistiron ao acto os voceiros do PP, Alejandro Sánchez-Brunete; de Compostela Aberta, Martiño Noriega; e do BNG, Goretti Sanmartín.

A concelleira Noa Diaz presentou o III Torneo de Xadrez "Cidade de Santiago", que se celebrará este sábado, 14 de setembro, no Centro Comercial Área Central. A inscrición está aberta ata este xoves, 12 de setembro, a través da dirección de correo electrónico torneosexc@gmail.com. Xa hai máis de 140 participantes confirmados/as e a organización agarda alcanzar preto de 200 xadrecistas.

A Semana do Patrimonio Invisible celebra a súa segunda edición do 18 ao 22 de setembro, ofrecendo 26 visitas a espazos que habitualmente están pechados ao público, e acollendo tamén A Noite do Patrimonio, do Grupo Cidades Patrimonio de España. Todas as actividades son de balde, sen ben para as visitas guiadas é preciso inscribirse, xa que serán en quendas pechadas de 15 persoas cada unha.

O alcalde de Santiago, Xosé Sánchez Bugallo, recibiu en Raxoi a parte da directiva da Asociación Provincial de Promotores Inmobiliarios da Coruña (Aproinco), encabezada polo seu presidente, Ángel Jove.

O alcalde de Santiago, Xosé Sánchez Bugallo, e a concelleira de Educación, Noa Díaz, inauguraron o curso escolar 2019/2020 cunha visita ao CEIP Quiroga Palacios. Acompañados da directora do centro, Olga Raíces, percorreron varias aulas de primaria e infantil e achegáronse ata o novo parque de xogos. Tanto o rexedor como Noa Díaz destacaron a normalidade coa que comezaron as clases.