CULTURA E CENTROS SOCIOCULTURAIS
O Roteiro de Creación Contemporánea achega aos composteláns o traballo de 35 artistas
Por primeira vez en Galicia, o Roteiro de Creación Contemporánea, permitirá, durante as fins de semana do 12 e 13 e do 19 e 20 de maio, un circuíto aberto aos obradoiros de 35 artistas. Ademais, ofrecerá unha variada programación nos Centros SocioculturaIs e espazos expositivos da cidade, como exposicións colectivas, performances, danza, realización de murais e concertos en vivo.
SOLIDARIEDADE
Compostela uniuse á campaña de captación de fondos da Asociación Española contra o Cancro
A Asociación Española Contra o Cancro (AECC) puxo en marcha un ano máis a súa tradicional Cuestación anual baixo o lema "Non permitas que o noso traballo se deteña". Con esta fin, situáronse en distintos puntos de Santiago mesas informativas e de recadación de fondos. A unha delas, no Aeroclub, acudiu o alcalde, Xosé A. Sánchez Bugallo, acompañado da concelleira de Benestar Social, Adelaida Negreira.
TURISMO
Van Morrison e Santiago de Compostela: unha máxica combinación
O touroperador oficial de Santiago, Compostur, ofrece un programa para gozar da cidade e do concerto de Van Morrison, o 19 de maio. O visitante pode acompañar o concerto, o único do irlandés en España, con visitas guiadas pola cidade.
PROMOCIÓN ECONÓMICA
Presentada a Rede de Cooperación Empresarial
O presidente da Agrupación de Desenvolvemento Compostela Social e concelleiro de Promoción Económica, Xosé Manuel Iglesias, presentou, na Aula de Cultura de Caixa Galicia, a Rede de Cooperación Empresarial. O seu obxectivo é fomentar o desenvolvemento de proxectos de cooperación empresarial que axuden ás iniciativas xurdidas ao abeiro do programa Equal Compostela Social a mellorar a súa competitividade e a manter unha posición sólida no mercado. Durante o acto repartiuse aos asistentes un directorio cos enderezos e...
DEPORTES
Santiago terá un circuito de karting
O Concello de Santiago e a Fundación Compostela Deporte asinaron un protocolo para a construción, poste en funcionamento e posterior xestión dun circuito de karting. Entre os seus destinos posibles, os terreos da Costa Vella onde no seu día se situou o vertedoiro, aínda que a ubicación non é todavía definitiva.
PROMOCIÓN ECONÓMICA
Un novo programa favorecerá a inserción laboral en Compostela dos alumnos con mellores expedientes universitarios
O concelleiro de Promoción Económica, Xosé Manuel Iglesias, acompañado do vicerreitor de Relacións Institucionais da Universidade de Santiago, Lourenzo Fernández Prieto, e do presidente da Asociación de Empresarios do Polígono Industrial do Tambre, Jesús Chenel Noya presentou o Programa de formación e prácticas en empresas para alumnas/os de excelencia académica da USC.
EDUCACIÓN
Os máis novos achéganse á Banda Municipal de Música
A concelleira de Educación e Mocidade, Elvira Cienfuegos, e o director da Banda Municipal de Santiago, Casiano Mouriño, presentaron un novo ciclo de concertos didácticos. Neste caso o obxectivo é achegar aos máis novos a unha das institucións máis populares da cidade, a súa Banda Municipal de Música.
PROMOCIÓN ECONÓMICA
Promoción Económica fomenta o investimento en publicidade do sector comercial da cidade
O concelleiro de Promoción Económica, Emprego e Comercio, Xosé Manuel Iglesias, asinou catro convenios de colaboración con Cadena COPE-Radio Popular, Cadena Ser-Radio Galicia, Grupo Correo Gallego, e Onda Cero-Europa FM, para o fomento do investimento en publicidade por parte do sector comercial do Concello de Santiago. En vindeiras datas está previsto que asinen o convenio Compostelavisión, S.L. (Localia) e o Grupo Voz.
PERSOAL
Despedida ao interventor municipal
Despois dunha longa traxectoria como interventor municipal, Albino Otero Iglesias deixa o seu cargo por xubilación.
TURISMO
Oitenta e sete empresas compostelás reciben o certificado de calidade turística do SICTED
A Mesa de Calidade Turística de Santiago entregará o xoves 10 de maio os diplomas e distintivos do SICTED ás 87 empresas compostelás que concluíron exitosamente a auditoría de control da súa calidade no 2006.