ALCALDÍA
O alcalde, convencido de chegar a un acordo cos tratantes de gando sobre Amio
O alcalde compostelán, Xerardo Conde Roa, anunciou que en vindeiros días se convidará os tratantes de gando para unha nova reunión para falar sobre o futuro do mercado de gando de Amio. Discutirase en torno ás dúas propostas que existen sobre a mesa para chegar a un acordo que o alcalde está convencido que se logrará.
XUNTA DE GOBERNO
Unha auditoría analizará a realidade económica do Concello e fixará procesos de xestión máis eficaces e eficientes
A Xunta de Goberno Local, na súa sesión ordinaria, iniciou a contratación dun servizo para a realización dun diagnóstico económico-financeiro e dunha análise da situación de xestión e operativa do Concello e dos seus servizos. O prego de condicións establece que esta auditoría debe estar lista nun tempo máximo 20 semanas, se ben a realización da mesma nun tempo menor suporá unha mellora na puntuación.
ALCALDÍA
A Copa do Mundo, de novo en Santiago
A Copa do Mundo gañada pola Selección Española de fútbol no Mundial de Sudáfrica volve a estar en Compostela, traída por un dos patrocinadores do combinado español. Desta vez, os afeccionados puideron ver tamén o trofeo da Eurocopa.
ALCALDÍA
Conde Roa escoita as demandas dos veciños de Lavacolla, Casco Histórico e San Lázaro
O alcalde compostelán, Xerardo Conde Roa, recibiu a tres asociacións veciñais. Primeiro pasou por Raxoi a asociación de veciños de Lavacolla, seguida da do Casco Histórico e, finalmente, da pertencente a San Lázaro.
ALCALDÍA
Encontro coa directiva da Asociación de Periodistas de Santiago de Compostela
O alcalde compostelán, Xerardo Conde Roa, recibiu en Raxoi a directiva da Asociación de Periodistas de Santiago de Compostela (APSC), encabezada polo seu presidente, Luis Menéndez.
MEDIO RURAL
O Concello explica aos representantes veciñais do Romaño, A Gracia e A Peregrina o trazado da variante de Aradas
O concelleiro de Medio Rural, Luis García Bello, reuniuse no Centro Sociocultural da Peregrina coas directivas das asociacións de veciños da Gracia, "Río Sarela" da Peregrina e "Ponte do Romaño" do barrio do mesmo nome.
PLENO
A edil de Facenda indica que o endebedamento por habitante se situou en máis de 697 euros en 2010
Un día despois de ser aprobada no Pleno a conta xeral do exercicio 2010, a concelleira de Facenda, Cecilia Sierra, explicou algúns indicadores da mesma. Destacou os 697,58 euros de endebedamento por habitante e que, durante o pasado ano, se pagaron máis de 25.000 euros ao día entre intereses e amortizacións. A urxencia da convocatoria da xornada anterior obedecía a que a Lei obriga a remitir ao Tribunal de Contas o estado de contas antes do 15 de outubro.
CULTURA
A Banda ofrecerá 26 concertos dominicais e 11 didácticos na nova temporada
A temporada 2011-2012 da Banda Municipal de Música trae 26 concertos dominicais e 11 concertos didácticos entre os meses de outubro e maio. A formación interpretará por primeira vez ata 57 obras, nun calendario que inclúe ciclos dedicados a novos intérpretes e compositores galegos e a presenza de importantes directores convidados.
EDUCACIÓN
O CEIP Apóstolo Santiago acollerá un ano máis o curso de educación de adultos da Fundación Radio ECCA
O concelleiro de Educación, Ángel Currás, e a coordinadora de Radio ECCA na provincia da Coruña, Marisol Pérez, presentaron o curso de educación de adultos da Fundación Radio ECCA, cuxas clases acollerá o CEIP Apóstolo Santiago. O obxectivo desta formación é a obtención do título de Graduado en Secundaria, estudando dende a casa e con dúas clases presenciais á semana.
EDUCACIÓN
Remata o prazo de preinscrición no programa de conciliación Nadalxogo
O luns 17 de outubro remata o prazo de preinscrición nunha nova edición de Nadalxogo. Desta vez, os CEIP Pío XII, Ramón Cabanillas e As Fontiñas acollen o programa, que cambia o seu formato a petición das ANPAS e co obxectivo de facilitar a conciliación laboral e familiar. Celebrarase os días non festivos comprendidos entre o 23 de decembro e o 4 de xaneiro, en horario de 7:45 a 15:30 horas, incluíndo o servizo de comedor.