Noticias

O director-xerente do Auditorio de Galicia, José Víctor Carou, presentou a programación do ciclo Infantil & Familiar para os meses de xaneiro a maio, logo da exitosa acollida do ciclo coa programación de Nadal. Na rolda estivo acompañado do mago Martín Varela, quen estará dentro do ciclo este mesmo sábado no Auditorio de Galicia, ás 19:30 horas, co seu espectáculo Manifesto. En total serán, dende este sábado e ata o 1 de xuño, 23 eventos que inclúen, ademais de maxia, música,...

Área Santiago, grupo de 19 concellos creado formalmente o pasado mes de maio para a súa promoción turística conxunta, presentouse en Fitur. Con esta presentación, o grupo dá un paso máis no seu posicionamento como un destino turístico que, nas proximidades de Santiago de Compostela, ofrece un amplo abano de atractivos e posibilidades aos visitantes: natureza, gastronomía, cultura, patrimonio, pesca...

O Concello de Santiago, a Consellería de Presidencia da Xunta de Galicia e a Cámara de Comercio, Industria e Navegación de Santiago de Compostela manifestaron a súa satisfacción pola decisión acordada polo Ministerio de Defensa de manter "aberto e activo" o aeródromo militar de Santiago.

Tras as Noites de Retranca e o espectáculo de Quico Cadaval chega agora a terceira das propostas do ciclo Falabaratos para este 2014. Será Santi Millán, que estará en Compostela presentando o seu espectáculo Santi Millán Live, co que logo de acadar o éxito en Barcelona decidiu saír de xira. Estará este xoves 23, a partir das 20:30 horas, no Teatro Principal. As entradas, a 17 euros (12 anticipada) poden mercarse no despacho de billetes do Teatro Principal (aberto de 18:00 a 21:00 horas), en

Turismo de Santiago e Turkish Airlines renovaron en Fitur o seu convenio de colaboración destinado á promoción da cidade como un destino turístico na rede de destinos onde opera a aerolínea turca, nun acto ao que asistiu o alcade de Santiago, Ángel Curras. Turkish Airlines, que conta cunha conexión directa entre Santiago e Estambul, foi nomeada Mellor Aerolínea de Europa nos anos 2011, 2012 e 2013.

O programa Imos ao baile, da Concellería de Centros Socioculturais e Relacións Veciñais, continúa neste 2014 cun novo calendario de bailes con orquestra destinados sobre todo aos nosos maiores. Desta vez celebraranse 27 bailes (o mesmo número que en 2013) en 13 localizacións diferentes. Estímase unha participación de 2.700 persoas.

O concelleiro de Deportes, Adrián Varela, avanzou boa parte da programación do seu Departamento para este exercicio 2014. Son máis de 70 eventos en máis de 25 disciplinas, con especial protagonismo para o atletismo ou o ciclismo, pero dando cabida tamén a diversas modalidades minoritarias.

O Consorcio de Santiago promoveu a restauración do relevo situado na fachada do mosteiro de San Paio de Antealtares, na actualidade convento de relixiosas de clausura da orde beneditina. Os traballos, coordinados pola Oficina Técnica deste organismo, buscaban recuperar a autenticidade da obra e garantir a súa conservación futura. Adxudicáronse á empresa Renovatio, dedicada á conservación do patrimonio artístico. Cun orzamento global de 26.843 euros, realizouse a limpeza integral do conxunto, a reparación de pezas rotas e a...

A concelleira de Urbanismo, María Pardo, anunciou que se detectaron varios desperfectos nas obras de reparación da calzada que se viñeron realizando en varias rúas do Ensanche, polo que se emprazou ás empresas que as realizaron a resolver estas deficiencias. Indicou que estas empresas se comprometeron a executar estas novas reparacións sen custo ningún para o Concello.

O director-xerente do Auditorio de Galicia presentou a programación do ciclo Sons 2014 para os meses de xaneiro a maio. Unha variada oferta de sons con diferentes estilos, procedencias e xéneros compoñen esta oferta musical, que se verá ampliada con novas propostas nos vindeiros días. Comeza o ciclo con Dorian Wood, que presenta o seu novo disco, Rattle Rattle, este venres 24 de xaneiro no Teatro Principal, en colaboración co festival Sinsal.