TURISMO
350 nenos norirlandeses viven o Camiño de Santiago na súa escola
A St. Mary’s Primary School en Mullaghbawn, en Irlanda do Norte, viviu esta semana o seu particular Camiño de Santiago cunha actividade didáctica na que participaron todas as súas clases de preescolar e primaria, un total de 350 nenos de 3 a 11 anos.
ALCALDÍA
O alcalde continúa a rolda de contactos coas institucións da cidade para a defensa do partido xudicial de Santiago
O rexedor compostelán, Ángel Currás, continúa as reunións con diferentes entidades da cidade para recabar apoios para o mantemento do partido xudicidal de Santiago tal e como está agora. Nesta ocasión tratábase da Cámara de Comercio, representada polo seu presidente, Jesús Asorey. A semana pasada mantivo un encontro cos decanos dos colexios de avogados e procuradores.
XUNTA DE GOBERNO
O Concello revisará 67 parques infantís para adaptalos á normativa vixente de seguridade
A voceira da Xunta de Goberno, María Pardo, deu conta dos asuntos tratados na sesión ordinaria entre os que salientan a adxudicación do servizo de reparación e adaptación á normativa vixente das áreas de xogo e dos circuítos biosaudables e tamén as obras de mellora nas rúas Quiroga Palacios, 25 de xullo e avenida de Vilagarcía. Outro dos asuntos tratados foi o cambio na normativa para permitir que as mascotas pequenas viaxen no autobús urbano.
XUVENTUDE
O Parque Pena Aventura en Portugal acolleu á xuventude de Compostela
A concelleira de Xuventude, Rebeca Domínguez, participou na segunda xornada das actividades programadas para Semana Santa en Portugal, no parque Pena Aventura.
EMPREGO
O Foro de Intermediación e Emprego inclúe unhas xornadas técnicas sobre inserción laboral e recrutamento 2.0
A versión online da busca de emprego e o coñecemento do mercado laboral 2.0 é o tema central destas xornadas gratuítas. Os interesados en participar nas actividades deben inscribirse previamente na web da Axencia Local de Colocación de Santiago.
EDUCACIÓN
Os máis pequenos divírtense na Semana Santa coas actividades de conciliación
A concelleira de Educación, María Castelao, visitou esta mañá os rapaces que están a participar nas actividades no CEIP As Fontiñas. Un programa educativo, de promoción do ocio e o tempo de lecer no tempo de vacacións.
DESENVOLVEMENTO URBANOS SOSTIBLE
Un plan de xestión da auga de rego permitirá aforrar 190.000 metros cúbicos
A concelleira da Área de Desenvolvemento Urbano Sostible, María Pardo, presentou en rolda de prensa o Plan de xestión para o aforro de auga de rego en zonas verdes, outra das melloras que acometerá a empresa Cespa dentro do contrato de mantemento das zonas verdes do municipio. Preténdese pasar de 350.000 a 160.000 metros cúbicos de auga empregados.
CENTROS SOCIOCULTURAIS
A Sala Agustín Magán acollerá máis de trinta actuacións multidisciplinares de abril a xuño
O concelleiro de Centros Socioculturais, Francisco Noya, presentou a nova programación teatral para os meses de abril, maio e xuño de 2014 na Sala Agustín do CSC de Santa Marta, un espazo cultural onde as artes escénicas, audiovisuais de difusión e formación e manifestacións orais serán as grandes protagonistas.
DEPORTES
O Pazo de Raxoi recibe a selección de fútbol sala de Vietnam
O alcalde de Santiago, Ángel Currás, recibiu os xogadores vietnamitas que desputarán esta tarde un partido amistoso contra o Santiago Futsal. A entrada será gratuita e haberá inchables do Multixogo.
NORMAILIZACIÓN LINGÜÍSTICA
Ceas solidarias e dinamización lingüística da man dos comerciantes da zona vella
A Irmandade de Estudantes de Santiago de Compostela, coa colaboración da Concellería de Normalización Lingüística, presenta o programa "Vive a Paixón con compaixón", unha actuación de dinamización lingüística solidaria que, xunto co uso do galego nas manifestacións da paixón, busca doar ceas para a cociña económica de Santiago de Compostela durante a Semana Santa e a Pascua 2014. A concelleira Rebeca Domínguez presentou o programa en rolda de prensa.
