PROMOCIÓN ECONÓMICA
A Rede de Cooperación Empresarial desenvolve nove cursos dirixidos ás empresas Equal
As 45 empresas de Equal Compostela Social, impulsado pola Concellaría de Promoción Económica e Emprego, poden beneficiarse dos cursos programados pola Rede de Cooperación Empresarial. Ata outubro impártense nove actividades formativas, sete relacionadas con informática e as outras dúas con comercio. Na última semana creáronse tres novas empresas no marco deste proxecto. 31 delas (68,9%) foron constituídas por mulleres. 32 empresas naceron en Santiago, oito en Ames, catro en Val do Dubra e unha en Brión.
NOVA LEXISLATURA
Todo listo para a constitución da nova Corporación municipal
O sábado 16 de xuño, ás 13:00 horas, terá lugar a sesión constitutiva da Corporación municipal que afrontará a lexislatura 2007-2011. O acto rematará coa elección e toma de posesión do alcalde.
AEROPORTO
Lavacolla será a base dun novo avión de Salvamento Marítimo
O aeroporto compostelán de Lavacolla será a base dende a que operará un novo avión de Salvamento Marítimo, bautizado como Rosalía de Castro, que dará servizo á fachada galaico-cantábrica.
BENESTAR SOCIAL
O Concello de Santiago recibiu o premio Cocemfe
A concelleira de Benestar Social en funcións, Adelaida Negreira, recolleu en Madrid o Premio Cocemfe, outorgado pola Confederación Española de Persoas con Discapacidade Física e Orgánica. Compostela obtivo o premio na categoría de Corporación Local, polo seu traballo "na eliminación de todo tipo de barreiras para las persoas discapacitadas".
ÚNICO CONCERTO DOS MEXICANOS EN GALICIA
A banda Maná achégase ao Monte do Gozo dentro do seu "Amar es combatir World Tour 2007"
Os mexicanos Maná estarán o vindeiro 22 de xuño en Compostela para presentar os traballos do seu último disco Amar es combatir, na que será a única parada que a banda realice en Galicia dentro da súa xira de concertos de 2007. Na súa última visita á nosa comunidade conseguiron reunir no Coliseum da Coruña arredor de 11.000 espectadores. As previsións apuntan a que esta cifra podería rebasarse amplamente no concerto que ofrecerán en Compostela, para o que podería chegar a...
REFORMA ADMINISTRATIVA
A páxina web municipal estrea deseño e incorpora novos servizos
A concelleira de Reforma Administrativa, Marta Álvarez-Santullano, presentou o novo deseño da páxina web municipal (www.santiagodecompostela.gal) e os novos servizos que incorpora. O portal incrementa a súa aposta pola información permanente e actualizada, pola tecnoloxía e polos servizos ao cidadán.
EDUCACIÓN E MOCIDADE
A Escola de Verán chega á súa sexta edición
Rapaces de entre 3 e 12 anos están convidados a participar na VI Escola Municipal de verán. Desenvolverase do 25 ao 29 de xuño e do 3 ao 7 de setembro no CEIP Quiroga Palacios, Fontiñas, Pío XII e Colexiata do Sar. As actividades celebraranse en horario de 9:30 a 13:30 horas. A participación é de balde.
CENTROS SOCIOCULTURAIS
As xentes e a memoria histórica do barrio de San Pedro, protagonistas da IV Semana Cultural da Trisca
A concelleira en funcións de Centros Socioculturais, Guadalupe Rodríguez, presentou a IV Semana Cultural da Trisca. Un ano máis a participación activa das xentes do barrio de San Pedro e o recordo do seu pasado serán protagonistas dunha semana chea de actividades para todos. Será do 15 ao 23 de xuño.
MULLER
Unha chamada á conciencia sobre a dobre discriminación á muller
A concelleira de Muller en funcións, Adelaida Negreira, presentou unha nova campaña destinada a promover a igualdade e a chamar a atención sobre a dobre discriminación que sofren moitas mulleres, polo feito de ser mulleres e por factores como a idade ou algunha discapacidade.
CONSORCIO
Ponse en marcha o Premio Santiago de Compostela de Cooperación Urbana
O alcalde compostelán en funcións e presidente do Consorcio, Xosé A. Sánchez Bugallo, e a secretaria de Estado de Cooperación Internacional, Leire Pajín, presentaron o novo Premio Santiago de Compostela de Cooperación Urbana. Este galardón pretende recoñecer e fomentar iniciativas públicas de creación e recuperación de ámbitos de cohesión nas cidades históricas de América Latina, a través da transformación e mellora de espazos urbanos.