Noticias

O alcalde compostelán, Ángel Currás, acompañado polo conselleiro de Cultura, Jesús Vázquez, e o presidente da Federación Galega de Libreiros, presentou a XXXIII Edición da Feira do Libro Novo de Santiago, que se desenvolverá na Alameda entre o sábado 26 de abril e o domingo 4 de maio.

A concelleira de Normalización Lingüística, Rebeca Domínguez, presentou a II convocatoria dun programa que se iniciou o ano pasado e que pretende promover o uso do galego na comunicación do sector socioeconómico compostelán e engadir valor e rendemento ás iniciativas publicitarias

O alcalde compostelán, Ángel Currás, anunciou, trala reunión da Xunta de voceiros, que o Pleno da Corporación aprobará, co apoio dos tres grupos, unha declaración institucional en defensa da demarcación xudicial de Santiago.

A Corporación compostelá desprazouse un ano máis á vila de Padrón para celebrar o Día de Santiago nas Festas de Pascua. O alcalde compostelán, Ángel Currás, encabezou a expedición que visitou a vila veciña.

A concelleira de Educación, María Castelao, asistiu á presentación en rolda de prensa do programa das actividades do primeiro aniversario do Club de Celi, club infantil do Centro Comercial, que se celebrará este sábado 26 de abril.

As Xornadas técnicas 2.0 estarán impartidas por destacados bloggers e expertos en ferramentas online de busca de emprego. Entre as novidades deste ano haberá unha actividade de simulación práctica dun proceso de selección cuxo prazo de inscrición se abre hoxe.

O alcalde compostelán, Ángel Currás, e a concelleira da Área de Desenvolvemento Urbano Sostible, María Pardo, presentaron o proxecto de renovación da avenida Quiroga Palacios, obra moi demandada polos veciños da zona dado o deterioro tanto das beirarrúas como do propio vial. A actuación, na que se investirán 650.000 euros, farase con cargo aos fondos Urbana Norte conseguidos das baixas doutros contratos e terá un prazo de execución de 6 meses.

A oficina de información de Turismo de Santiago acolleu o sorteo de oito "experiencias relixiosas", que permiten vivir unha procesión por dentro, coma un membro máis dunha confraría.
A oficina de información turística recibiu entre o sábado 12 e o venres 18 un 20% de consultas máis respecto o mesmo periodo da Semana Santa do ano pasado.

A Concellaría de Centros Socioculturais informa de que xa está aberto o prazo de inscrición para participar na 32ª edicción do Festival Galego de Fotografía, Outono Fotográfico, que se celebrará nos meses de outubro, novembro e decembro e que terá repercusión como outros anos nos centros socioculturais de Santiago, que exporan como outras salas e entidades colaboradoras en toda Galicia, os traballos artísticos seleccionados.

O concurso desenvolverase nas redes sociais do Grupo e o prazo de envío de fotografías será ata o 15 de xuño.