Noticias

As asociacións veciñais teñen ata o venres 4 de maio para presentar cuberta a súa solicitude de colaboración municipal nas festas patronais e populares dos respectivos barrios e parroquias. A posibilidade de elixir entre varias atraccións propostas fóralle manifestada ás entidades veciñais polo propio concelleiro de Participación Cidadá e Festas, Francisco Noya.

Lavacolla, o aeroporto central de Galicia, contará este verán co maior número de conexións internacionais da súa historia. As conexións directas dispoñibles serán: Londres, Frankfurt e Milán con Ryanair; París e Zurich con Vueling; Xenebra con Easyjet; Dublín con Aer Lingus; Venecia con Volotea e Caracas con Air Europa.

O 17 de maio celébrase un novo Día das Letras Galegas, dedicado este ano a Valentín Paz Andrade. Para conmemorar esta data, o Departamento de Lingua Galega preparou ata 22 actividades para a infancia e mocidade de Compostela. O alcalde compostelán, Ángel Currás, presentou o programa en rolda de prensa.

Os sábados 5 e 12 de maio, o Multiusos Fontes do Sar acollerá dous seminarios destinados a profesionais do deporte: un de fitness personal trainer e outro de actividades dirixidas con soporte musical. O Concello colabora con estes cursos, organizados pola escola de Negocios do Deporte (ENDE).

O Centro Sociocultural de Conxo acolle unha Xornada Micolóxica o sábado 28 de abril. Está organizada pola Asociación Micolóxico-Naturalista Pan de Raposo.

Luis Piedrahita chega a Compostela para presentar El castellano es un idioma loable lo hable quien lo hable dentro do ciclo Falabaratos. Ao esgotarse as entradas para as función previstas o mércores 25 e o xoves 26 ás 21:00 horas, engadiuse unha nova o mesmo xoves ás 23:00 horas. Así, poden aínda mercarse entradas para a nova función a un prezo de 18 € (butaca, platea e primeira planta); 15 € (segunda planta) e 12 € (anfiteatro) en Novagaliciabanco e na billeteira do Teatro Principal. Despois de Piedrahita estarán no...

O sábado 5 de maio celebrase a oitava edición da Andaina de 50 km de Santiago de Compostela, organizada polo Club Deportivo Fontiñas. O Concello colabora con esta camiñada, que partirá da praza do Obradoiro.

O concelleiro de Medio Rural, Luis Bello, deu conta do Proxecto Estratéxico de Infraestruturas no Medio Rural, aprobado en Xunta de Goberno e que permitirá acometer unha "revisión integral" das pistas asfaltadas das 21 parroquias dos rural compostelán. Destinaranse 104.385 euros a estas actuacións, realizadas en cooperación coa Consellería do Medio Rural e do Mar da Xunta de Galicia.

O alcalde compostelán, Ángel Currás, e o conselleiro de Medio Ambiente, Territorio e Infraestruturas, Agustín Hernández, asinaron o convenio polo que o Instituto Galego de Vivenda e Solo (IGVS) colabora no mantemento da oficina de rehabilitación municipal. Esta, que conta cun orzamento de 362.641 euros, recibirá da Xunta unha achega de 80.000 euros.

A concelleira de Medio Ambiente, María Castelao, presentou aos veciños de Fontiñas o proxecto de hortas urbanas para este barrio. O encontro celebrouse no centro sociocultural, onde antes tivo lugar o sorteo das hortas de Belvís e unha charla para informar sobre a colocación dun composteiro comunitario.