Noticias

A concelleira de Urbanismo, María Pardo, anunciou en rolda de prensa que o Concello vai recorrer á colaboración externa dunha empresa privada para reforzar as tarefas de disciplina urbanística, adxudicándolle a xestión das sancións neste ámbito. O principal obxectivo desta medida é favorecer a "eficacia" nesta materia, asegurando un maior nivel de cobro das sancións.

Apertura do prazo de formalización de matrícula para o curso 2012-2013 na Escola Infantil Municipal de Meixonfrío-Salgueiriños.

A concelleira de Emprego, Paula Prado, informou da vindeira posta en marcha dun plan de formación, en colaboración coa Cámara de Comercio, que ten como obxectivo dotar aos participantes das ferramentas teóricas adecuadas para que poidan levar a cabo accións de internacionalización de produtos, así como de manexo de novas tecnoloxías e TICs. Os cursos, que contarán cun investimento de 14.880 euros, terán lugar dende o 27 e 28 de setembro e estenderanse ao longo do último trimestre do ano.

O alcalde compostelán, Ángel Currás, e o concelleiro de Barrios, Juan de La Fuente, visitaron a rúa dos Caraveis, en Vidán, acompañados de veciños da zona. Puideron así comprobar de primeira man o problema da canalización de auga que provocaba que a auga saíra quente polas billas dalgunhas casas do lugar.

Tom Jones respondeu á expectación creada polo seu concerto e non defraudou ao público que encheu a praza da Quintana malia a choiva. O artista galés agasallou aos asistentes cun concerto no que demostrou estar en plena forma e recuperado totalmente da afección respiratoria que lle impedira cantar durante as Festas do Apóstolo.

A concelleira de Emprego, Paula Prado, visitou o Centro de Formación Ocupacional de Sanxuás de Aríns para coñecer de preto a marcha dos cursos de formación en Montaxe e mantemento de instalacións solares térmicas e Operacións de fontanería e calefacción-climatización doméstica.

O alcalde compostelán e presidente do Consorcio, Ángel Currás, e o conselleiro de Cultura, Educación e Ordenación Universitaria, Xesús Vázquez, asinaron un convenio de colaboración para a recuperación da antiga curtidoiro de Pontedriña, que albergará o Centro Nacional de Formación en materia de Rehabilitación da Fundación Laboral da Construción.

O Concello de Santiago convidou a todos os cidadáns que quixeran admirar a Copa do Mundo de fútbol conseguida en Sudáfrica no ano 2010 e mais as dúas Eurocopas logradas en 2008 e 2012 pola Selección Española de fútbol a que se achegaran polo Concello nesta xornada de xoves. Numerosos composteláns e visitantes pasaron por Raxoi para retratarse cos trofeos.

A concelleira de Medio Ambiente en funcións, Paula Prado, e o director de Augas de Galicia, Francisco Menéndez, visitaron o parque Eugenio Granell para supervisar as obras que se levaron a cabo na ponte que cruza o río Sar nesta área verde da cidade. Grazas a esta intervención púidose abrir de novo aos peóns a ponte, pechada no seu día pola subtracción da varanda.

As concelleiras Amelia González e Paula Prado participaron na cerimonia de apertura da procesión hindú que trouxo ás rúas de Santiago a unha comitiva de preto de 300 persoas pertencentes a esta etnia. No acto estiveron presentes tres grandes autoridades espirituais na India e outros países do mundo, como son as súas santidades Radhanath Swami, Bhakti Charu Swami e Sacinandana Swami.