Noticias

O comparador de prezos de hoteis www.trivago.es premiou a Santiago de Compostela co Trivago Online Reputation Award 2013, o galardón que reconoce as cidades españolas con mellor reputación online.

Turismo de Santiago desenvolverá unha ampla axenda de actividades en Fitur, a principal feira turística de España, que se celebrará entre o 30 de xaneiro e o 3 de febreiro en Madrid. Alí presentarase o Proxecto Certo, promocionarase a nova conexión entre Santiago e Estambul e celebraranse reunións con representantes de Renfe e directores de OETs, entre outros.

A concelleira de Persoal e Réxime Interior, Amelia González, informou en rolda de prensa sobre a posta en marcha dun plan para reducir as concentracións de gas radon nas dependencias do Pazo de Raxoi. Este programa, baseado fundamentalmente na captación e redireccionamento do gas en determinadas zonas para sacalo do edificio, permitirá avaliar se é o mellor sistema para reducir o gas na totalidade do inmoble.

O alcalde compostelán, Ángel Currás, reuniuse en Raxoi cos representantes da Asociación de Veciños Monte do Gozo, do barrio de San Lázaro.

A concelleira de Facenda, Cecilia Sierra, anunciou o incremento en 400.000 da partida prevista inicialmente nos orzamentos da Xunta de Galicia para o Consorcio de Santiago. Este crecemento xorde a raíz dunha emenda presentada pola Alcaldía.

A Concellería de Centros Socioculturais pon en marcha Vive o Entroido un amplo programa de actividades para o Entroido, que xa se veñen desenvolvendo dende o 22 de xaneiro e que continuarán ata o 23 de febreiro. Son máis de 100 actividades en toda a rede de centros e locais socioculturais, que este ano, ademais, participarán activamente no desfile do martes de Entroido e na queima do Meco.

Miguel Poveda estará en Compostela sábado 2 de febreiro, ás 21:00 horas, para dar un concerto no Auditorio de Galicia dentro do ciclo Sons’13. Despois de Miguel Poveda e tras o paso de Café Quijano, completarán o cartel de Sons’13 Uxía, Ana Moura, Amancio Prada, Odaiko, Coetus&Eliseo Parra, Pradairo, Pedro Guerra, Budiño, Win Mertens e Malevaje.

O Pleno ordinario da Corporación municipal previsto para o xoves 31, a partir das 17:30 horas, terá entre os asuntos da súa orde do día a renuncia ao cargo da concelleira Paula Prado del Río. Ademais, debateranse diversas modificacións urbanísticas.

Os Xenerais da Ulla chegaron dacabalo á praza do Obradoiro para escenificar un típico "atranque" ou "alto", que serviu de presentación pública do Entroido tradicional da Ulla, que ten lugar nas inmediacións da cidade de Santiago dende a primeira metade do século XIX: os Xenerais van dacabalo, disfrazados con vistosas vestimentas militares similares ás desa época, que inclúen adornos puramente carnavalescos, que locen tamén os cabalos. Os concelleiros Francisco Noya e Luis Bello, entre outros...

Vénse de publicar o Índice de Transparencia de los Ayuntamientos (ITA) 2012, elaborado pola organización Transparencia Internacional España e que mide o nivel de transparencia dos 110 maiores concellos de España. Este Índice situa a Santiago de Compostela no posto 50 e constata o mantemento dos niveis de transparencia do Concello, malia a maior esixencia informativa deste ITA 2012 respecto a edicións anteriores.