ACCIÓN CULTURAL
Santiago de Compostela, cidade invitada na Feira Internacional do Libro de Bos Aires
Compostela é a cidade invitada na Feira Internacional do Libro de Bos Aires, que celebrará do 21 de abril ao 9 de maio a súa cuadraxésimo segunda edición. Por este motivo, a Xunta de Galicia organizou un amplo programa de actividades, no que colabora o Concello de Santiago. Esta mañá, o conselleiro de Cultura, Román Rodríguez, o secretario xeral de Cultura, Anxo Lorenzo, e a concelleira de Acción Cultural, Branca Novoneyra, presentaron un avance da programación na Cidade da Cultura, nunha rolda de prensa á que...
ALCALDÍA E POLÍTICAS SOCIAIS
O alcalde e a concelleira de Políticas Sociais visitan a Cociña Económica
O alcalde de Santiago, Martiño Noriega, visitou esta mañá, acompañado da concelleira de Políticas Sociais, Concha Fernández, as instalacións da Cociña Económica, trasladadas dende hai uns meses ao Albergue de Xoán XXIII mentres duran as obras na sede orixinal da rúa Travesa.
ALCALDÍA
Martiño Noriega asiste en Fontiñas á entrega dos Premios Luís Tilve 2015
O alcalde, Martiño Noriega, participou este mediodía no acto de entrega dos Premios Luís Tilve 2015, no Centro Sociocultural das Fontiñas.
ACCIÓN CULTURAL
Esgotadas as entradas para os dous concertos de Ses no Teatro Principal
María Xosé Silvar, Ses, presenta o seu terceiro disco, Tronzar os valos, en dous concertos esta semana no Teatro Principal. Este último traballo chega despois dos tamén exitosos Admirando a condició e Co xenio destrozado. Os concertos serán mañá mércores e de novo o xoves, ambos ás 21:00 horas. As entradas para os dous concertos están esgotadas dende hai días.
CONVIVENCIA
O programa Colecamiños chega tamén ao colexio Raíña Fabiola
Despois de case medio ano funcionando con éxito no CEIP Pío XII, o programa Colecamiños chegou hoxe ao CEIP Raíña Fabiola. Fíxoo cunha única ruta, coincidente coa establecida dende Galeras para o Pío XII, e con oito nenos e nenas participantes, un número aceptable tendo en conta o mal tempo e o feito de estarmos á volta das vacacións de Semana Santa. Nas próxima semanas, a Policía Local continuará co traballo de difusión deste camiño escolar seguro, co obxectivo de que se...
CONSORCIO
Últimos días para visitar a exposición conmemorativa dos 20 anos da Real Filharmonía de Galicia na Casa do Cabido
Baixo o título Real Filharmonía de Galicia. 20 anos contigo, o Consorcio de Santiago, organismo que xestiona a RFG, promove unha exposición conmemorativa dos vinte anos de traxectoria da orquestra. A mostra repártese en dous espazos, a Casa do Cabido (na praza das Praterías) e o Auditorio de Galicia (sede da orquestra).
ALCALDÍA
Compostela e Padrón reforzan os seus lazos no día de Santiago na Pascua padronesa
Como cada luns de Pascua, hoxe celebrouse o Día de Santiago en Padrón. Unha delegación municipal, encabezada polo alcalde, Martiño Noriega, desprazouse á vila veciña para celebrar esta xornada, que serve para que Compostela e Padrón reforcen os seus lazos de irmandade.
CONSORCIO
A virtuosa violinista letona Baiba Skride tocará esta semana coa Real Filharmonía de Galicia cun Stradivarius de 1734
A Real Filharmonía de Galicia celebra esta semana dous concertos. O primeiro terá lugar o xoves no Teatro Afundación de Vigo, ás 20:30 horas. Ao día seguinte, o venres, a orquestra tocará en Santiago, no Auditorio de Galicia ás 21:00 horas. En ambas actuacións levará a batuta o mestre burgalés Eduardo Portal, de 32 anos, que foi director asistente, entre outras, da Orquestra Filharmónica de Londres e da Joven Orquesta Nacional de España. O concerto de Santiago retransmitirase en directo por streaming a...
CONSORCIO
O Consorcio de Santiago avanza nas obras da igrexa do convento de Santa Clara, moi afectada pola humidade
O Consorcio de Santiago está a intervir na igrexa do convento de Santa Clara, afectada pola entrada da auga da chuvia e por unha alta humidade no seu interior, circunstancia moi negativa para os bens de alto valor que posúe, entre eles os retablos e un magnífico órgano barroco. As obras estanse a centrar nas revocaduras do inmoble, nas cubertas e no patio de acceso á igrexa.
TURISMO
As consultas na Oficina de Información Turística de Santiago incrementáronse un 17% nesta Semana Santa
O persoal da Oficina de Información Turística de Santiago atendeu nesta Semana Santa 5.428 consultas presenciais, un 17% máis que as 4.644 que se atenderon no ano 2014. É a cifra máis alta de consultas atendidas na oficina de Turismo de Santa durante as datas de Semana Santa dos últimos anos. Trátase dun dato positivo, especialmente tendo en conta que nesta ocasión a Semana Santa caeu moi cedo, na segunda quincena de marzo.