EDUCACIÓN
Convócanse as Escolas de Verán 2020 para nenos e nenas de entre 3 e 12 anos
A FANPA (Federación de Asociacións de Nais e Pais de Compostela) vén de convocar as Escolas de Verán, coas que este ano colabora o Concello de Santiago, segundo o convenio asinado hoxe entre as partes. Estas escolas están dirixidas a menores con idades comprendidas entre os 3 e os 12 anos, que estiveran escolarizados no segundo ciclo de educación infantil ou en primaria durante o curso 2019/2020.
COMERCIO
Aprobada a convocatoria de subvencións para as asociacións comerciais
Nunha Xunta de Goberno Local extraordinaria celebrada este venres, aprobáronse as bases da convocatoria de subvencións para actividades de promoción e dinamización comercial. Estas axudas, cunha dotación total de 60.000 euros, están dirixidas ás asociacións comerciais, que poderán optar a cubrir ata o 75% do orzamento de gasto, cun límite de 30.000 euros por entidade.
PARQUES E XARDÍNS
Parques e Xardíns renova a certificación EMAS, que recoñece a xestión ambiental do Concello
O Departamento de Parques e Xardíns do Concello de Santiago de Compostela renovou, un ano máis, a declaración ambiental positiva conforme aos requisitos do regulamento de certificación EMAS, un dos máis esixentes a nivel mundial. Este sistema promove a mellora continua do comportamento ambiental, a súa avaliación sistemática, periódica e obxectiva, a información ao público e ás partes interesadas e a formación e a implicación activa dos traballadores e traballadoras. Segundo explicou a...
MEDIO RURAL E CENTROS SOCIOCULTURAIS
Seis centros socioculturais do rural ofrecerán actividades de conciliación durante o mes de xullo
O concelleiro de Medio Rural, José Manuel Pichel, e a técnica responsable dos centros socioculturais do Rural, María Pose, presentaron este xoves Verán no rural, o programa de conciliación que se desenvolverá durante o mes de xullo en seis centros socioculturais do rural compostelán. Mañá venres abre o prazo de preinscrición, que ten como data límite o venres 19 de xuño. A participación nas actividades é de balde.
ACCIÓN CULTURAL
A Alameda acolle a XXXIX Feira do Libro de Santiago do 13 ao 21 de xuño
O paseo central da Alameda acollerá dende este vindeiro sábado 13 de xuño e ata o domingo 21 de xuño a XXXIX Feira do Libro de Santiago de Compostela, organizada pola Federación de Librarías de Galicia. O Concello colabora un ano máis coa Feira, que estará aberta no paseo central da Alameda en horario de 11:30 a 14:00 e de 17:30 a 20:00 horas.
MEDIO RURAL
O Concello destina máis de 700.000 euros do Plan Único da Deputación á rehabilitación da ponte de Vidán e ao acondicionamento da contorna do CSC da Gracia
A Concellaría de Medio Rural vai acometer dúas importantes obras en parroquias compostelás con cargo a financiamento do Plan Único da Deputación da Coruña: a rehabilitación e consolidación da ponte de Vidán e o acondicionamento do Centro Sociocultural da Gracia e da súa contorna. Ambas intervencións, agora en fase de licitación, suman un investimento de 733.605,10 euros.
POLÍTICAS SOCIAIS
O Concello de Santiago colabora coa campaña de ACEM "Móvete en taxi pola esclerose. Adquire a túa pulseira solidaria"
A Asociación Compostelá de Esclerose Múltiple (ACEM) presentou este mércores a campaña "Móvete en taxi pola esclerose. Adquire a túa pulseira solidaria", nunha rolda de prensa na que participou a concelleira de Políticas Sociais, Mila Castro. Máis de 150 taxistas de Santiago e comarca sumáronse a iniciativa de vender estas pulseiras, co obxectivo de visibilizar e concienciar sobre esta enfermidade, e tamén de recadar fondos para a posta en marcha dun ximnasio no centro de rehabilitación integral da...
TURISMO
O Concello destina ata 400.000 euros á innovación do sector hostaleiro co obxectivo de facilitar a súa recuperación económica
O concelleiro de Turismo, Sindo Guinarte, presentou este martes as bases da Convocatoria de axudas para a mellora e innovación da restauración e hospedaxe compostelá, integradas no Plan de Reactivación do Sector Turístico, que conta con tres eixes estratéxicos: avaliación da actual situación, accións dirixidas a captación de turismo, e axudas ao sector como as desta convocatoria, á que o Concello de Santiago destina 100.000 euros, ampliables noutros 300.000 en función da demanda. Segundo explicou Sindo...
MEDIO AMBIENTE
Santiago de Compostela, premiada polo seu compromiso coa mellora da calidade do aire
Santiago de Compostela foi distinguida como a cidade menor de cen mil habitantes máis comprometida coa calidade do aire que respiran os seus cidadáns e cidadás polo xurado do II Premio X Aire Limpio, organizado pola Plataforma X Aire Limpio. Recoñécese así o carácter innovador e colaborativo do proxecto TRAFAIR (Understanding Traffic Flows to Improve Air Quality). O acto de entrega dos premios, que contará con representación institucional na plantación dunha árbore como símbolo da renaturalización das...
ALCALDÍA E TURISMO
A Comisión Organizadora do Xacobeo 2021 avaliou a reactivación do Camiño de Santiago de xeito coordinado e progresivo
A reactivación do Camiño de Santiago levarase a cabo dun xeito coordinado e progresivo. Así se concretou hoxe na reunión da Comisión Organizadora do Xacobeo 2021, onde o Concello de Santiago, a Xunta de Galicia e a Igrexa compostelá acordaron compaxinar a reapertura dos albergues da rede pública, da Catedral e do Centro Internacional de Acollida ao Peregrino a partir do vindeiro 1 de xullo, establecendo así unha data efectiva do reinicio da peregrinación xacobea. O alcalde de Santiago, Xosé Sánchez Bugallo, e o...
