Noticias

A concelleira de Xuventude, Maite Cancelo, presentou as bases que rexerán o 2º Certame SantiAutor para artistas noveis, que ten como obxectivo promover, impulsar e canalizar a creatividade musical da mocidade de Compostela e do conxunto de Galicia. A convocatoria vai dirixida a cantautores cunha idade máxima de 35 anos, que poderán inscribirse entre o 19 de xaneiro e o 20 de febreiro de 2015.

O alcalde de Santiago, Agustín Hernández, e a concelleira de Comercio, Reyes Leis, participaron no tradicional sorteo do coche da campaña de Nadal da asociación comercial Compostela Monumental. O acto celebrouse no Hostal dos Reis Católicos.

A Concellería de Educación e Kalandraka convocan o VIII Premio Internacional Compostela para Álbums Ilustrados, cunha dotación económica única de 9.000 euros en concepto de adianto polos dereitos de autor. O prazo de presentación dos traballos rematará o 6 de marzo de 2015 e o fallo do xurado coñecerase en abril, coincidindo co mes de libro e durante a Campaña Municipal de Animación á Lectura.

Agustín Hernández amosou ante o Foro de Directores de Hotel o compromiso do Concello para impulsar o sector turístico nos vindeiros anos mediante un novo Plan Estratéxico. O Alcalde tamén valorou os resultados turísticos do ano 2014, que cualificou como moi positivos xa que se conseguiron os mellores datos dende o ano Santo 2010.

As obras tamén contemplan a valoración da fonte existente como un elemento singular e a redución do costo de mantemento mediante a utilización de materiais pétreos e formas compactas. Tamén se levarán a cabo actuacións de reparación e mantemento das beirarrúas da Avenida de Xoán Carlos I que lindan co Parque da Alameda, nas que se instalará unha nova pavimentación e mellora da accesibilidade.

A concelleira de Cultura, María Antón, e o director-xerente do Auditorio de Galicia, José Víctor Carou, presentaron esta mañá o avance da programación do ciclo de Teatro para xaneiro e febreiro. Lola Herrera, Héctor Alterio, Juan Fernández, Guillermo Barrientos, María Galiana, Juan Echanove, Iñaki Miramón e Toni Acosta, son algúns dos actores e actrices que presentarán os seus traballos na nosa cidade dentro do ciclo. As entradas poden mercarse xa no despacho de billetes do Teatro Principal,...

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. A vindeira semana contarase coa presenza do violinista francés Amaury Coeytaux. Ademais dos alumnos da Escola, hai oito prazas para músicos externos ao centro.

O Teatro Principal acolleu a presentación do Libro-CD "Axente Corrente, Galo Mirindolo", cunha actuación musical con pezas preparadas a tal efecto por Xoglares na que participou o alcalde de Santiago, Agustín Hernández, e a conselleira de Educación, Maite Cancelo, e que rexistrou cheo total. Esta é unha das primeiras actividades coas que se pon en marcha o programa didáctico de educación viaria "aXente Corrente", realizada por Agasalle Contenidos e que conta coa colaboración do Concello de Santiago de...

Do conxunto das obras realizadas no último ano , que chegan ás 302 si contamos tamén as representadas en 2013, 16 fixéronse en colaboración co Instituto Nacional das Artes Escénicas e Musicais a través dun convenio que se volverá solicitar este ano. Así o acordou a Xunta de Goberno local na súa primeira sesión de 2015. O alcalde de Santiago, Agustín Hernández, informou deste e doutros asuntos en rolda de prensa.

Unha vez aprobados os orzamentos do Concello para o 2015, Agustín Hernández anunciou que a vindeira semana se convocará a mesa de negociación cos sindicatos co obxectivo de activar e desenvolver as medidas recollidas en materia de persoal