FESTAS
O desfile-concurso do Antroido 2015 repartirá 16.000 euros en premios
A concelleira de Cultura, María Antón, presentou en rolda de prensa as bases do desfile-concurso do Antroido 2015, que terá lugar o martes 17 de febreiro. Ata o día anterior, luns 16 de febreiro, estará aberto o prazo de inscrición nun certame que repartirá 16.000 euros, case 4.000 euros máis que na edición de 2014.
XUNTA DE GOBERNO
Aprobado o expediente de contratación do servizo de mantemento do sistema semafórico da cidade e do túnel do Hórreo
A Xunta de Goberno extraordinaria celebrada este 19 de xaneiro aprobou o expediente para a contratación do servizo de conservación e mantemento das instalacións do sistema de control de tráfico e do túnel do Hórreo. O procedemento de adxudicación será aberto e contempla a prestación do servizo por un prazo de dous anos, con posibilidade de prórroga por outros dous exercicios, establecendo un importe de licitación de 575.516 euros/ano.
CULTURA
"Anne Sullivan e Helen Keller (A loita pola inclusión social)", de Roberto Cordovani, no Bono de Teatro Galego (e Portugués)
O director-xerente do Auditorio de Galicia, José Víctor Carou, e Roberto Cordovani, director da CIA Internacional de Teatro de Repertório Arte Livre, presentaron a estrea en España de Anne Sullivan e Helen Keller (A loita pola inclusión social), que se enmarca dentro da programación do Bono de Teatro Galego (e Portugués). Haberá dúas funcións da obra este martes 20 e o mércores 21 de xaneiro, ambas ás 20:30 horas e no Teatro Principal. Ademais de enmarcarse no Bono poden adquirirse tamén...
DESENVOLVEMENTO URBANO SOSTIBLE
O Concello instala trece novas marquesiñas de parada de autobús na cidade e no rural
O Concello de Santiago destinou 40.000 euros para a colocación de trece novas marquesiñas, das que dez se instalaron en parroquias do rural. A concelleira de Desenvolvemento Urbano Sostible, Teresa Gutiérrez, e o concelleiro de apoio desta área, Luis Meijide, visitaron algunha das zonas onde se situaron os equipamentos, que responden ás demandas formuladas por diferentes asociacións veciñais.
CULTURA
O Mago Teto presenta "O Afiador" dentro do ciclo Infantil & Familiar
O Mago Teto ofrece este sábado 17 de xaneiro, no Teatro Principal, o seu novo espectáculo, O Afiador. Será ás 18:30 horas e enmarcado no ciclo Infantil & Familiar. As entradas, cun prezo 5 euros, poden mercarse no despacho de billetes do Teatro Principal, aberto de 18:00 a 21:00 horas ou en entradas.abanca.com e no 902 434 443. Ademais, existe tamén a posibilidade de mercar unha entrada familiar: catro entradas a 15 euros, o prezo de tres soltas.
CULTURA
Carlos López Quartet presenta o seu novo disco, "Letters from Copenhague", dentro do ciclo de concertos Sons’15 Jazz
O ciclo Sons’15 Jazz, que xa nos ofreceu neste mes de xaneiro concertos de Iago Fernández Sixtet e de Sumrrá, programa este domingo a Carlos López Quartet, que nos presenta o seu novo traballo Letters from København. Será ás 20:00 horas no Teatro Principal e as entradas teñen un prezo de 8 euros anticipada e 10 euros o propio día do concerto. Poden mercarse no despacho de billetes do propio Principal de 18:00 a 21:00 horas, en entradas.abanca.com e no teléfono 902.../em>
ALCALDÍA
Rematadas as obras de mellora de accesibilidade e información na estación de autobuses de Santiago
O alcalde de Santiago, Agustín Hernández, visitou as obras de mellora realizadas na estación de autobuses de Santiago, acompañado pola directora xeral de Mobilidade, Helena de Lucas. Esta intervención, realizada pola Consellería de Medio Ambiente, Territorio e Infraestruturas, no marco do seu Plan Renove, supuxeron un investimento de 350.000 euros.
CULTURA
Cinco novas propostas para o ciclo Blues Nite by 1906 ata o mes de maio
A concelleira de Cultura, María Antón, e o director-xerente do Auditorio de Galicia, José Víctor Carou, presentaron os novos concertos do ciclo Blues Nite by 1906 ata o mes de maio. Este ciclo naceu no ano 2013 e nel fanse propostas de diferentes estilos de música, todos arredor do blues e as súas variantes e fusións e, dende setembro de 2014, conta coa colaboración de 1906.
TURISMO
O aeroporto de Santiago supera en 50.000 pasaxeiros internacionais o obxectivo de 2014
O aeroporto de Santiago conseguiu un novo récord nas súas conexións internacionais directas, con 449.231 pasaxeiros, 100.000 máis que no 2013. Entre 2011 e 2014, o tráfico nas conexións internacionais directas creceu máis dun 100%, pasando de 219.993 pasaxeiros en 2011 a 449.231 en 2014.
CENTROS SOCIOCULTURAIS
Ábrese a mostra fotográfica "Espazos compartidos. Cines e vidas", do programa Compostela Cine Classics
Unha exposición conformada por 15 fotografías seleccionadas das concorrentes no concurso promovido pola edición deste ano do Compostela Cine Classics, pecha a programación sociocultural deste proxecto, que arrancara en setembro de 2014 e que acolleu ata 36 accións distintas entre proxeccións cinematográficas, faladoiros, obradoiros e exposicións, nas que participaron mais de 2.000 persoas.