Noticias

A concelleira de Urbanismo, María Pardo, mantivo unha reunión no Auditorio de Galicia cos representantes veciñais de Vista Alegre para presentarlles o proxecto definitivo de reurbanización deste polígono de vivendas, elaborado polas arquitectas Cristina Ezcurra e Cristina Ouzande.

A concelleira de Benestar Social, María Castelao, asistiu á presentación en Santiago de Telexentoloxía, un servizo de axuda a persoas de idade avanzada ou con discapacidade. Está disponible no Centro Sociocultural das Fontiñas e nas Aulas da Terceira Idade.

A concelleira de Turismo, Reyes Leis, reuniuse cos concelleiros de Turismo dos municipios da área metropolitana de Santiago. Dábase así continuidade ao grupo de traballo creado o 11 de marzo coa fin de estratexias conxuntas para incentivar o turismo.

A concelleira de Benestar Social, Muller e Igualdade, María Castelao, presentou os obradoiros Creando en igualdade, que se impartirán entre escolares de primaria e secundaria de máis de 25 colexios do municipio. Estas sesións enmárcanse no III Plan de Igualdade, no que se incide na necesidade de traballar nun cambio de valores entre homes e mulleres dende a educación a través de accións de sensibilización.

Sons continúa facendo un percorrido polos diferentes estilos musicais. Despois do exitoso concerto da fadista Ana Moura, e as citas con Amancio Prada, Odaiko e Coetus, poderemos disfrutar dunha primavera de Sons no Auditorio de Galicia e no Teatro Principal.

Proceso de admisión do alumnado en centros educativos sostidos con fondos públicos para o curso académico 2013/2014.

As trece Cidades Patrimonio da Humanidade españolas concluíron a asemblea xeral de alcaldes coa aprobación dun orzamento de 1,6 millóns de euros e o nomeamento do primeiro director-xerente nos 20 anos de historia do GCPHE. Aprobáronse así mesmo os actos do 20 aniversario da constitución do grupo, o plan de actuacións para 2013 e a convocatoria dos Premios Patrimonio, entre outros.

Ante máis de 50 profesionais da xestión deportiva en Galicia, Alejandro López pronunciou a conferencia "Responsabilidade dos Xestores Deportivos". A devandita disertación serviu de peche os actos vinculados á Asemblea Xeral da Asociación de Xestores Deportivos de Galicia (AGAXEDE), que se celebrou no Centro Sociocultural e Xuvenil Municipal do Ensanche.

O Concello de Santiago de Compostela, a través da Concellaría de Normalización Lingüística, convoca o I Concurso de Proxectos de Publicidade Comercial, baixo o lema "Brilla con novas ideas, en galego". Trátase dunha iniciativa pioneira coa que persegue achegar un incentivo para a galeguización tanto das empresas como dos establecementos comerciais e hostaleiros da cidade, ao mesmo tempo que pretende engadir valor e rendemento ás iniciativas publicitarias a través da intervención dos profesionais da...

O alcalde compostelán, Ángel Currás, presidiu en Raxoi a recepción con motivo do partido internacional de rugby correspondente ao Seis Nacións B que enfrontará ás seleccións de rugby de España e Portugal o sábado 16, ás 18:00 horas, no estadio de San Lázaro.