Noticias

O Concello de Santiago desenvolve a finais de novembro e na primeira quincena de decembro a campaña Revive o barrio, dentro do proxecto Urbana Santiago Norte. Dentro deste programa, os barrios de Vite, Guadalupe e San Caetano serán escenario dun xogo de pistas esta fin de semana. O xogo comezará este sábado e o lugar de reunión dos participantes será o Centro Sociocultural José Saramago de Vite (rúa Carlos Maside, 7).

Este 25 de novembro celébrase o Día Internacional contra a Violencia de Xénero. Dentro dos actos para conmemorar este día, a Concellería de Servizos Sociais, a través do Centro de Información á Muller (CIM) organiza o II Congreso Internacional de Intervención e Prevención da Violencia de Xénero, que se celebrará os días 27, 28 e 29 de novembro na Cidade da Cultura.

Este martes, o festival Cineuropa entrega o último dos seus premios, dedicado nesta ocasión a Nils Malmros, o cineasta que se sentou cinco días ao noso carón a ver o seu cinema para logo falar sobre el. A cerimonia, á que seguirá un novo pase da asombrosa Sorrow and Joy, terá lugar ás 20:45 horas no Salón Teatro, onde Malmros recibirá o premio de mans da concelleira de Cultura, María Antón. Horas antes de recibir o galardón, o director conversou cos medios de comunicación nunha rolda de...

O alcalde de Santiago, Agustín Hernández, participou na presentación dun novo número especial da revista CompHostelería.

As estreas deste mércores darán comezo ás 16:00 h. no Teatro Principal co primeiro pase de Lawless, de John Hillcoat. A historia, unha nova proposta de cine negro, está baseada nunha novela de Matt Bondurant sobre feitos que lle aconteceron a súa familia nos tempos da "lei seca". Ten o atrativo de estar guionizada por Nick Cave, todo un home orquestra, e por contar coa presenza de actores como Shia LaBeouf ou Jessica Chastain.

A partir deste luns 24 de novembro e ata o venres 5 de decembro estará aberta a inscrición no programa de conciliación familiar e laboral para este Nadal 2014. A concelleira de Educación, María Corral, presentou esta iniciativa, que comprenderá un conxunto de actividades educativas, deportivas e de lecer que se desenvolverán durante dez xornadas no CEIP As Fontiñas.

O alcalde de Santiago, Agustín Hernández, e a concelleira de Desenvolvemento Urbano Sostible, Teresa Gutiérrez, deron conta da adxudicación do contrato para a revisión do Plan Especial da Cidade Histórica de Santiago de Compostela. Avánzase así, cara a disposición dun "instrumento actualizado que permitirá xestionar axeitadamente o noso principal activo patrimonial, turístico e económico, dando resposta ás novas esixencias ás que se enfronta o Casco Histórico", indicou o rexedor...

A concelleira de Comercio, Reyes Leis, presentou no Pazo de Raxoi a nova web do Barrio de San Pedro, www.barriosanpedro.eu, desenvolvida polo Concello dentro do Urbana Santiago Norte, que conta co cofinanciamento da UE a través dos Fondos Feder. A novo espazo web nace a petición dos propios veciños e empresarios de San Pedro, e especialmente da Asociación A Xuntanza, que demandaban un espazo en Internet que permitise a promoción comercial do barrio.

A vindeira semana, os centros socioculturais do Ensanche e de Vite, acollerán dúas actividades incluídas no dentro da programación da Rede Cultural da Deputación da Coruña en colaboración co Departamento de Centros Socioculturais de Santiago de Compostela.

A Real Filharmonía de Galicia (RFG) celebra esta semana tres concertos didácticos dirixidos a nenos de 5 a 12 anos, en concreto estudantes de terceiro de infantil a sexto de primaria. O primeiro será este martes, ás 11:00 horas. Os outros dous terán lugar o mércores e o xoves, á mesma hora. Ademais, o sábado día 29, ás 18:00 horas, a orquestra ofrecerá a mesma actuación, neste caso para o público familiar. As diferentes citas serán no Auditorio de Galicia, en Santiago de Compostela, e a batuta...