Noticias

O Pleno municipal deu o visto bo inicial á ordenanza reguladora do Programa "Santiago Suma", cos votos favorables do PP e coa abstención dos grupos socialista e nacionalista. Esta ordenanza recolle o contido do plan integral presentado recentemente e que supón un reforzo das medidas de inclusión social adoptadas por outras administracións. Inclúese así o novo catálogo de prestacións e medidas, no cal figura, entre outras, a renda de solidariedade activa.

Esta fin de semana vén cargada de música en Compostela. Ademais de toda a programación do Festival de Músicas Contemplativas, teremos outras propostas nos ciclos Sons’15 e Compostela Rock. Sábado poderemos escoitar por primeira vez na cidade á raíña da canción protesta, Joan Baez, ás 20:30 horas no pazo de Congresos, dentro de Sons’15, e Compostela Rock ofrece o Triciclo 7 con Oneida, People of the North e Farniente. Será á mesma hora pero na Fundación SGAE. E tamén co Compostela Rock teremos na...

O alcalde de Santiago, Agustín Hernández, inaugurou na Cidade da Cultura a xornada Organización 2.0. Este evento reúne en Santiago a consultores, produtores 2.0 e empresarios que implantaron este tipo de solucións, co fin de expoñer a súa visión práctica.

O alcalde de Santiago, Agustín Hernández, visitou as obras de mellora da mobilidade e da accesibilidade que se están realizando no barrio de Vista Alegre. Previamente, reuniuse coa Asociación de Veciños para darlle conta da situación actual das obras, logo do retraso que implicou a cesión dos traballos por parte da anterior adxudicataria á actual construtora.

TUSSA vén de poñer en macha una nova aplicación, "maisbus", que permitirá aos usuarios do transporte urbano consultar, dende calquera smartphone, información en tempo real sobre este servizo. A aplicación pódese baixar de balde.

A concelleira de Normalización Lingüística, María Antón, presentou a terceira edición do Concurso de Proxectos de Publicidade Comercial en Galego, que pretende ser un incentivo para a galeguización da comunicación entre empresas ou establecementos comerciais e o público, así como servir de recurso para promover a calidade e a creatividade na comunicación.

Deportes Cibeira, Susi Gesto Ourive, Xearte Brigitte, Nippon Store, La reina de Saba e Corazón do Loto son os gañadores dos Premios ao Comercio Compostelán Santiago ten un comercio de cine, 2015. A entrega dos galardóns terá lugar o mércores 8 de abril no Pazo de Raxoi. Os gañadores recibirán unha figura conmemorativa deseñada polo artesán Francisco Porto Paredes.

A Concellería de Mobilidade e Seguridade Cidadá informa a todos os cidadáns que o Concello está a levar a cabo a actualización e comprobación das tarxetas/distintivos de aparcamento para residentes.

Co fin de garantir unhas condicións axeitadas na cidade, e máis por mor dos milleiros de visitantes que se van achegar nesta Semana Santa, lembrase á veciñanza de Compostela, en especial á do Casco Histórico, o necesario cumprimento da normativa vixente en materia de residuos urbanos e limpeza viaria recollida na Ordenanza de convivencia, residuos e limpeza viaria.

O alcalde de Santiago, Agustín Hernández, deu a benvida aos participantes na Conferencia Internacional de Alto Nivel sobre a Loita contra o Tráfico de Órganos Humanos, organizada polo Consello de Europa este mércores e xoves. O acto inaugural do evento, celebrado no Palacio de Congresos, contou tamén coa asistencia, entre outras autoridades, dos ministros de Xustiza, Rafael Catalá, e de Sanidade, Servizos Sociais e Igualdade, Alfonso Alonso; do presidente da Xunta, Alberto Núñez Feijóo; e do secretario xeral do Consello de...