Noticias

O concerto central do 25 de xullo foi o de Sumrrá & Friends na praza da Quintana. Formado polos músicos Manuel Gutiérrez (piano), Xacobe Martínez Antelo (contrabaixo) e L.A.R. Legido (batería), o trío de jazz Sumrrá rodeouse de amigos para este concerto especial do Apóstolo.

Unha das xornadas xa tradicionais dentro das Festas do Apóstolo é o Día do Traxe Galego, organizado pola Asociación do Traxe Galego e coa colaboración de El Corte Inglés. Celébrase este domingo 26, con actividades ao longo de todo o día no que será a súa XXXVI edición. Ademais, tamén teremos en Vite (no parque Fermín Bouza Brey) o Serán de Hip-Hop a partir das 20:00 h. A xornada pecharase coa Orquestra Players ás 22:30 h na Alameda.

O alcalde de Santiago, Martiño Noriega, e outros membros do Goberno local sumáronse á concentración da Plataforma de Vítimas do Alvia 04155 celebrada na praza do Obradoiro, cando se cumpren dous anos do accidente.

O secretario da Xunta de Goberno Local, Xan Duro, deu conta dos asuntos tratados na sesión ordinaria deste órgano, no que acordou paralizar os procedementos dirixidos ao derrubo da Casa da Xuventude.

O Consorcio de Santiago celebrou este venres a súa Comisión Executiva e Consello de Administración, ambas xuntanzas presididas polo alcalde da cidade e presidente do organismo interadministrativo, Martiño Noriega. O Consello de Administración aprobou as contas xerais do Consorcio relativas ao exercicio 2014.

Xa se coñecen os nomes das 25 persoas gañadoras dos convites dobres para presenciar, cos seus acompañantes, o espectáculo dos Fogos do Apóstolo dende un espazo habilitado a carón do Hostal dos Reis Católicos. Estas 50 persoas tamén poderán asistir ao concerto previo da Real Filharmonía de Galicia.

O sábado 25 de xullo celebramos o día grande das festas do Apóstolo 2015 e, como tal, a xornada estará centrada pola mañá nos actos institucionais da Ofrenda ao Apóstolo. Pero tamén temos cita coa troula, xa que a partir das 12.30 h haberá pasarrúas coa Charanga de Cabezudos pola cidade histórica. Xa pola tarde, ás 18:00 h, haberá unha exhibición de taekwondo con campións do mundo deste deporte na praza do Obradoiro e, ás 22:00 h, concerto de Sumrrá & Friends na praza da...

As proxeccións repartidas nesta ocasión entre a Catedral e o Pazo de Raxoi, combinadas coa música e a pirotecnia crearon un espectáculo dos Fogos do Apóstolo que destacou polo seu carácter envolvente. O fío condutor foi a celebración dos 30 anos da declaración de Santiago de Compostela como cidade Patrimonio da Humanidade.

O domingo 26 de xullo e dentro da programación das festas do Apóstolo, celébrase a XXXVI edición do Certame do Traxe Galego. Esta tradicional cita foi presentada en rolda polo alcalde de Santiago, Martiño Noriega; a presidenta da Asociación do Traxe Galego, Pilar Astray; e o director de comunicación e relacións externas de El Corte Inglés, Pati Blanco.

O alcalde de Santiago, Martiño Noriega, e o concelleiro de Espazos Cidadáns, Jorge Duarte, asistiron en San Martiño Pinario á clausura do curso Compostela Summer Program, que se celebrou do 1 ao 23 de xullo. Participaron 22 estudantes de China, Vietnam, México, Paraguai, Estados Unidos e Israel.