MULLER
O Consello Municipal da Muller renova a súa composición
O salón de plenos do Concello acolleu unha sesión extraordinaria do Consello Municipal da Muller, que serviu para renovación das representantes no mesmo.
CULTURA
Manuel Eirís faise co galardón do público do V Premio Auditorio de Galicia
O artista Manuel Eirís recibiu o galardón outorgado polo público no V Premio Auditorio de Galicia para Novos Artistas. Deste xeito faise co quinto accésit, dotado con 1.500 euros.
ALCALDÍA
Compostela prepara a súa Semana Santa
A unhas semanas para o comezo da Semana Santa, a cidade prepárase para vivila nas súas rúas e igrexas, fundamentalmente a través das distintas procesións. Para falar deste tema mantiveron un encontro en Raxoi os alcalde, Xosé A. Sánchez Bugallo, e o presidente da Xunta de Confrarías, Isolino Castiñeiras.
SERVIZOS
Os contedores subterráneos de lixo serán sometidos a unha dobre auditoría
A concelleira de Servizos, Marta Álvarez-Santullano indicou que os contedores subterráneos de lixo da cidade serán sometidos a unha dobre auditoría: unha externa encargada pola empresa concesionaria do servizo, Urbaser, e outra realizada polo propio Concello. Ao seu xuízo, estas actuacións son as axustadas para garantir a seguridade laboral dos traballadores.
CULTURA
O público escolle o repertorio nun novo concerto da Banda Municipal de Música
O programa do concerto que a Banda Municipal de Música ofrecerá o domingo 24 de febreiro será "á carta": estará composto polas cancións elixidas polos asistentes ás actuacións que a banda celebrou os días 10 e 17 de febreiro.
EMPREGO
O Proxecto Persoa IV promoverá a integración laboral de 120 persoas
O concelleiro de Promoción Económica e Emprego, Xosé Manuel Iglesias, presentou os resultados do programa Persoa III e a solicitude presentada ao Ministerio de Administracións Públicas para a concesión de axudas do Fondo Social Europeo. Esta solicitude atines ao Pacto Local polo Emprego de Santiago 2008-2011 e articúlase en torno a dous eixes: o Persoa IV e o Plan de Acción Local polo Emprego.
CULTURA
Comeza Teatro e Danza en Xira 2008 con "Filomena Marturano"
A edición de 2008 de Teatro e Danza en Xira comeza o domingo 2 de marzo coa representación no Auditorio de Galicia de Filomena Marturano, un melodrama dirixido por Ángel Fernández Montesinos e interpretado por Concha Velasco. As mellores compañías de teatro e danza da Península virán a Compostela da man deste programa, Teatro e danza en xira, organizado pola Concellaría de Cultura e a Fundación Caixa Galicia.
RÉXIME INTERIOR
Os novos rexistros de actividades e bens patrimoniais garantirá unha maior transparencia na acción dos servidores públicos
A concelleira de Réxime Interior e Reforma Administrativa, Rosa Fernández Somoza, presentou o acordo de creación dos rexistros de actividades e bens patrimoniais e os correspondentes modelos de declaración. Segundo indicou, estes rexistros, que se publicarán na páxina web municipal, "reforzarán o papel independente e imparcial dos servidores públicos e atenden á demanda social de maior transparencia". A aprobación destes rexistros debaterase no Pleno municipal do 28 de febreiro.
TURISMO
Quince mil persoas visitaron o Fórum Gastronómico Santiago’08
Preto de 15.000 persoas visitaron o Fórum Gastronómico Santiago’08, celebrado no Palacio de Congresos. Dende o día da inauguración, o 16 de febreiro, ata a súa clausura, o 20, o fluxo de visitantes foi continuo e as diferentes salas que acolleron obradoiros e catas guiadas rexistraron un cheo absoluto en todas as sesións. Da cifra total, uns 7.000 estiveron no Fórum na fin de semana, nos dous días abertos ao público en xeral.
EDUCACIÓN E MOBILIDADE
Tempo para aprender normas viarias no Parque Infantil de Tráfico
Un grupo de 90 alumnos do CEIP López Ferreiro foron os primeiros en participar nunha nova edición do Parque Infantil de Tráfico, inaugurado no Parque Municipal de Amio. Ata o 10 de abril, escolares de 5º e 6º de primaria dos centros de ensino da cidade participarán nesta actividade, coa que adquirirán hábitos de seguridade viaria e actitudes cívicas.