Noticias

Paul Lewis pecha a IV edición do Ciclo de Piano Ángel Brage cun concerto no Auditorio de Galicia o venres 11 de maio ás 21:00 horas. Antes del, neste ciclo, patrocinado por Eduardo Beiras, Castrosúa, Egasa, Fundación Araguaney e Televés, puidemos escoitar no Auditorio a Ingolf Wunder e a Emanuel Ax. As entradas para o concerto de Lewis, a 15 €, 7,5 € para estudantes e xubilados, están á venda na billeteira do Teatro Principal (aberta de martes a sábado de 18:00 a 21:00 horas) e en Novagaliciabanco. Ademais, tamén...

A Xunta de Goberno adxudicou as obras de reparación da cuberta do Parque de Bombeiros. Tamén deu o visto bo á substitución das canalizacións de auga na rúa da Presa, en Angrois.

O alcalde compostelán, Ángel Currás, presidiu en Raxoi a recepción municipal aos xogadores, adestradores e directivos da SD Compostela e do Blusens Monbus. Foi momento para recoñecer a boa temporada de ambos clubs, culminada no primeiro caso co ascenso á Terceira División e, no caso do Obradoiro, coa permanencia un ano máis na Liga ACB.

"O deporte é SAN, Santiago é SAN" é o lema no que se asenta a nova imaxe do Departamento Municipal de Deportes, que nace para integrar a todo o deporte da cidade, baixo unha xestión, promoción e coordinación única.

Leiva presenta dentro do Compostela Rock Diciembre, o seu debut en solitario despois de que o puideramos escoitar en Pereza. Será o xoves 10 de maio na Sala Capitol e as entradas, a 20 € anticipada, 26 € na billeteira, poden mercarse na billeteira do Teatro Principal, en Novagaliciabanco, na Red Ticketmaster e www.ticketmaster.es, en Carrefour, FNAC, Halcón Viajes e Tendas Tipo.

O domingo 6 de maio, de 17:00 a 20:00 horas, celebrarase na praza do Toural Galego de cine, un obradoiro de cinema e proxeccións para nenos e nenas de 6 a 12 anos. Esta actividade, incluída no calendario de accións deseñado pola Concellería de Normalización Lingüística para celebra o Día das Letras Galegas, forma parte do programa FalaRedes, realizado pola Secretaría Xeral de Política Lingüística de para as entidades adheridas á Rede de Dinamización Lingüística.

O alcalde compostelán, Ángel Currás, e o conselleiro de Medio Ambiente, Territorio e Infraestruturas, Agustín Hernández, asinaron un convenio de colaboración entre ambas administracións para o fomento do transporte limpo no eido urbano. Esta sinatura tivo lugar tras a reunión mantida entre o conselleiro e o rexedor municipal, que continúa coa súa rolda de contactos institucionais.

Con motivo da celebración do Día Internacional da Familia o 15 de maio, o Concello de Santiago preparou unha xornada repleta de actividades en recoñecemento a esta institución. Será o sábado 12 de maio no Multiusos Fontes do Sar. Alí haberá teatro, obradoiros, mesas informativas, unhas xornadas de acollemento familiar e un espazo onde facerse fotos cos xogadores do Blusens Monbus e do Lobelle de Santiago.

O concelleiro de Deportes, Adrián Varela, presentou o XIV Trofeo de Ciclismo Concello de Santiago, organizado polo Club Ciclista Muebles Compostela. A proba, que se desenvolverá o domingo 6 de maio nas inmediacións da Alameda, reunirá uns 150 novos ciclistas galegos nas categorías de escolas e cadetes.

Catro xornalistas venecianos están visitando estes días Santiago de Compostela, nunha viaxe organizada por Turismo de Santiago en colaboración coa Asociación Hostalería Compostela, Volotea e a OET de Milán, que ten por obxectivo promocionar Santiago no mercado veneciano e impulsar a nova conexión aérea que une ambas cidades dende a pasada semana.