CULTURA
Oito concertos no Teatro Principal e na Zona "C" configuran o novo ciclo Íntimo&Acústico
O concelleiro de Cultura, Ángel Currás, e o director-xerente do Auditorio de Galicia, José Víctor Carou, presentaron un novo ciclo da concellería de Cultura, Íntimo&Acústico. Son oito concertos que, tal e como indica o nome do ciclo, responden a formatos máis íntimos e serán no Teatro Principal e na Zona "C". O ciclo inaugurase o 16 de febreiro con Aline Frazao e terá o seu broche de ouro o 7 de xuño con Coque Malla. Entremedias, estarán Simon Finn, Rebeca Jiménez, Cardigan...
DEPORTES
Á venta as entradas para o partido internacional entre as seleccións femininas de fútbol de España e Austria
O concelleiro de Deportes, Adrián Varela, presentou o cartel do partido internacional entre as seleccións femininas de fútbol de España e Austria, que se disputará o mércores 15 de febreiro, ás 20:45 horas, no Estadio de San Lázaro, e avanzou algunhas das actividades programadas vinculadas co evento. O edil estivo acompañado pola concelleira de Familia, Benestar Social, Muller e Emprego, Paula Prado; o seleccionador nacional de Fútbol Feminino, Ignacio Querenda; e a internacional española Verónica Boquete.
MULLER
A mostra "Así é como vivo" amosa a realidade dun fogar con violencia de xénero
A concelleira de Familia, Benestar Social, Muller e Emprego, Paula Prado, inaugurou no Centro Sociocultural das Fontiñas a exposición fotográfica Así é como vivo. A mostra, cun obxectivo preventivo fronte á violencia de xénero, amosa imaxes que reflicten a realidade dun fogar no que vive unha muller e os seus fillos que sofren violencia machista.
DEPORTES
Coloquio sobre fútbol de alto rendemento
A Facultade de Filosofía acolleu o foro O fútbol de alto rendemento na actualidade. Este coloquio forma parte dos actos programados con motivo do partido entre as seleccións de fútbol feminino de España e Austria, que se celebrará no estadio de San Lázaro o mércores 15 de febreiro.
XUVENTUDE
Inaugurada a exposición fotográfica cos mellores momentos de "MúsicaXove’11"
O concelleiro de Xuventude, Adrián Varela, inaugurou no Centro Sociocultural e Xuvenil Municipal do Ensanche a exposición fotográfica do 4º Certame MúsicaXove. No acto tamén se entregaron os premios aos gañadores desta última edición.
URBANISMO
Bota a andar o rexistro en Urbanismo
Comezou a funcionar o rexistro auxiliar de Urbanismo, creado para mellorar a tramitación de expedientes urbanísticos e reducir os prazos dos mesmos.
TURISMO
A publicación "Santiago. Mmm... que rico!" axuda os máis pequenos a descubrir a cidade a través da súa gastronomía
A concelleira de Economía, Comercio, Turismo e Mercados, Reyes Leis, presentou Santiago. Mmm... que rico!, unha nova publicación de Turismo de Santiago pensada para que os máis pequenos descubran a cidade a través da gastronomía. Participarán nun xogo-guía co que aprenderán ao mesmo tempo que pasan un bo rato xogando polas rúas da cidade. A concelleira estivo acompañada da xerente de Turismo de Santiago, Maruxa Ledo.
TRÁFICO
Listo o dispositivo habitual para combater as xeadas previstas para os próximos días
Ante a previsión de baixas temperaturas do xoves ao domingo, motivadas por unha ola de frío polar, o Concello ten listo o dispositivo para facer fronte ás xeadas que se puideran producir durante a noite. Unha brigada municipal seguirá a botar sal nas zonas máis altas da cidade e naquelas rúas onde sexa necesario de ser intensas as xeadas.
ALCALDÍA
O Concello aposta por converter a nave 5 do Mercado de Abastos nun escaparate da gastronomía compostelá e galega
Celebrouse en Raxoi unha reunión da comisión de seguimento das obras da Praza de Abastos, presidida polo alcalde compostelán, Xerardo Conde Roa. Ademais dos representantes municipais, participou persoal do Ministerio de Fomento e da Xunta de Galicia.
CULTURA
The Gift inaugura o ciclo Sons 2012
O ciclo Sons 2012 inaugurase o xoves 2 de febreiro no Teatro Principal co único concerto en Galicia da xira Primavera e Explode: mil cores posibles, dos The Gift. Os portugueses chegan a Compostela dentro desta xira cun concerto no que presentan as novas cancións gravadas no Centro Cultural de Belém e as máis recentes dos seu último disco, Explode. O seguinte concerto do ciclo será o 11 de febreiro no Auditorio de Galicia, con The Idan Raichel Project.