CULTURA
Celébrase no Auditorio a gran Festa Cultural do Nadal
A Concellaría de Cultura e Centros Socioculturais está a organizar o programa de actividades Nadal Cultural, que conta coa Festa Cultural do Nadal como unha das súas propostas máis importantes. Promover o consumo responsable nestas datas, así como a reflexión arredor do comercio xusto, son algunhas das razóns que moven a Festa Cultural do Nadal, que se vai celebrar o sábado 27 de decembro, no Auditorio de Galicia, a partires das 17:00 horas.
EMPREGO
O Servizo de Atención ao Público da Bolsa de Emprego atendeu máis de 10.000 consultas en 2008
O Servizo de atención ao público da Bolsa de Emprego da Concellaría de Promoción Económica e Emprego atendeu 10.260 consultas dende xaneiro ata mediados de decembro de 2008. 6.630 peticións de información (o 64,6%) realizáronas mulleres.
CULTURA
A música de baile na zarzuela será a protagonista do segundo concerto do Festival Todo Lírica
Tras o éxito do concerto inaugural protagonizado pola mezzosoprano italiana Manuela Custer, o martes 30 de decembro celébrase o segundo concerto de Todo Lírica 2008, un ciclo promovido pola Concellaría de Cultura coa colaboración da Asociación Galega da Lírica e que, baixo o nome de Festival de Zarzuela de Santiago, se celebra dende hai oito anos durante o Nadal no Teatro Principal.
ALCALDÍA
O alcalde compartiu unha xornada de lecer cos máis novos en Nadalxogo
Despois do éxito da apertura co espectáculo da Compañía de Arte Acrobático SanXia de China na tarde do Nadal, continúa Nadalxogo. O alcalde compostelán, Xosé A. Sánchez Bugallo, quixo compartir unha xornada cos máis pequenos no Multiusos Fontes de Sar.
EDUCACIÓN
O Premio Internacional Compostela para álbums ilustrados consolídase tras o éxito da primeira edición
O Concello e a Editorial Kalandraka convocan o II Premio Internacional Compostela para álbums ilustrados. Tras o éxito da primeira edición, á que se presentaron máis de 300 traballos, o galardón aspira a consolidarse como unha referencia no panorama mundial deste tipo de representación artística e literaria.
CONSUMO
A OMIC e Sanidade apostan por un consumo responsable e seguro nas festas do Nadal
O concelleiro de Sanidade e Consumo, Xosé Baqueiro, presentou en rolda de prensa a campaña de Nadal dirixida a todos os composteláns para conciencialos dun consumo responsable e seguro nestas datas. Para informar a todos os cidadáns editouse unha guía sobre o xoguete seguro e o consumo responsable.
XUNTA DE GOBERNO
A Xunta de Goberno aproba as tarifas dos aparcadoiros públicos para 2009
O Goberno local deu o visto bo ás novas tarifas para os aparcadoiros públicos, segundo a proposta aprobada no seu día polo Consello de Administración de TUSSA. Entre outros asuntos, a Xunta de Goberno aprobou tamén o convenio para o financiamento dos gastos derivados do incremento do cadro de persoal do Parque de Bombeiros, asinado entre o Concello e a Deputación Provincial da Coruña.
PROMOCIÓN ECONÓMICA
O Servizo de Asesoramento ao Emprendemento atendeu a 343 persoas en 2008
O Servizo de Asesoramento ao Emprendemento da Concellaría de Promoción Económica, Emprego, Comercio e Turismo atendeu en 2008 a 343 persoas. A maioría, concretamente 201 (o 58,6% do total) son mulleres.
PLENO
Visto bo do Pleno á prohibición da venda de alcohol pola noite
Cos votos favorables do Grupo de Goberno e a abstención do PP, foi aprobada polo Pleno a modificación da Ordenanza de Convivencia, Residuos e Limpeza Viaria. A modificación consiste na inclusión de novos puntos que farán posible a partir de finais de marzo a prohibición da venda de alcohol para consumo na vía pública de 22:00 a 8:00 horas.
ALCALDÍA
Un espazo para o lecer no Ensanche neste tempo de Nadal
O alcalde compostelán, Xosé A. Sánchez Bugallo, inaugurou a carpa de Nadal que a Fundación Santiago Centro instalou na Praza Roxa.